پاکستان نے سری لنکا کو تیسرے اور آخری ون ڈے میچ میں شکست دیکر سیریز تین صفر سے اپنے نام کر لی۔
سری لنکا کی ٹیم نے پہلے بیٹنگ کر تے ہوئے پاکستان کو جیت کے لیے 212رنز کا ٹارگٹ دیا جس کو پاکستان کی ٹیم نے 45ویں اوور میں پورا کر لیا۔پاکستان نے چار کھلاڑیوں کے نقصان پر 215رنز سکور کیے۔
پاکستان کی جانب سے محمد رضوان نے 61 جبکہ فخر زمان نے 55رنز کی اننگ کھیلی۔
راولپنڈی کرکٹ اسٹیڈیم میں کھیلے جا رہے میچ میں پاکستان نے سری لنکا کے خلاف ٹاس جیت کر پہلے فیلڈنگ کا فیصلہ کیا۔مہمان ٹیم 46 اوورز میں 211 رنز پر پویلین لوٹ گئی۔
سدیرا سمارا وکرما نے48، کوشال مینڈس نے 34، کامل مشارا نے 29 اور پوون رتنائیکے نے 32 رنز کی اننگز کھیلی۔
پاکستان کے محمد وسیم جونیئر نے 3، حارث رؤف اور فیصل اکرم نے 2، 2 کھلاڑیوں کو آؤٹ کیا۔
یہ بھی پڑھئیے
پاکستان نے سری لنکا کا دیا گیا 212 رنز کا ہدف 32 گیندوں قبل 4 وکٹوں کے نقصان پر حاصل کر لیا، ہدف کے تعاقب میں پاکستانی بلے بازوں نے خطرات سے بچتے ہوئے محتاط مگر موثر بیٹنگ کی۔
