امریکی حکومت نے صدر ڈونلڈ ٹرمپ انتظامیہ کی ہدایات پر یکم نومبر سے امریکا میں چین سے آنے والی تمام اشیاء پر 100 فیصد اضافی ٹیکس (ٹیرف) عائد کرنے کا فیصلہ کیا گیا ہے ۔ امریکہ نے بھارت کے بعد چین کے خلاف بھی ٹِرف کی جنگ کا آغاز کر دیا۔
ٹرمپ انتظامیہ کی جانب سے یہ جارحانہ اقدام چین کے حال ہی میں نایاب زمینوں کی برآمدات پر سخت کنٹرولز نافذ کرنے کے بعد سامنے آیا ہے۔ٹرمپ نے چین کی اس پالیسی کو ایک’انتہائی جارحانہ‘ اور ’عالمی تجارتی اخلاقیات کی توہین‘ قرار دیا ہے۔
ڈونلڈ ٹرمپ نے اپنے پیغام میں خبردار کیا ہے کہ اگر چین نے مزید اقدام اٹھائے تو یہ ٹیکس یکم نومبر سے پہلے بھی نافذ کیے جا سکتے ہیں۔
غیر ملکی خبر ایجنسی کے مطابق امریکا کے چین پر 100 فیصد ٹیرف کے بعد ممکن ہے کہ بیجنگ اس اعلان کے ردِعمل میں اپنی پابندیوں پر نظرِثانی کرے یا مذاکرات کی میز پر واپس آئے۔
