آئل اینڈ گیس ریگولیٹری اتھارٹی (اوگرا) نے رواں مالی کےلیے گیس قیمتوں میں کمی کی منظوری دیتے ہوئے سوئی ناردرن اور سوئی سدرن کی اوسط قیمتوں میں کمی سے متعلقہ فیصلہ وفاقی حکومت کو بجھوادیا ہے۔
ترجمان اوگرا کے مطابق وفاقی حکومت سے ایڈوائس آنے کے بعد اوگرا گیس قیمتوں سے متعلق نوٹیفکیشن جاری کر ے گی۔
ترجمان اوگرا کے مطابق سوئی نادرن کےلیے گیس کی اوسط قیمت میں 3 فیصد اور سدرن کی قیمت میں 8 فیصد کی کمی تجویز کی گئی ہے۔
یہ پڑھئیے
نئے صارفین کو مہنگی گیس ملے گی ،اڑھائی لاکھ درخواستیں آگئیں – urdureport.com
ایس این جی پی ایل کا رواں مالی سال تین لاکھ نئے گھریلو کنکشنز دینے کا ہدف – urdureport.com
اوگرا ترجمان کے مطابق سوئی ناردرن کےلیے کمی کے بعد گیس کی قیمت 1804 روپے 8 پیسے اور سوئی سدرن کےلیے اوسط قیمت 1549 روپے 41 پیسے فی ایم ایم بی ٹی یو تجویز کی گئی ہے۔
اوگرا ترجمان کے مطابق وفاقی حکومت سلیب کے حساب سے گیس کی نئی قیمتوں پر ایڈوائس مانگی گئی ہے۔
ذرائع اوگرا کا کہنا ہے کہ وفاقی حکومت کی طرف سے منظوری ہونے کی صورت میں صارفین کو فائدہ منتقل ہوگا، وفاقی حکومت 40 روز میں اوگرا کو جواب دینے کی پابند ہے بصورت دیگر فیصلہ خود بخود لاگو ہو جائے گا۔
