قومی ٹیم کے مایہ ناز بیٹسمین بابر اعظم نے اس دہائی میں سب سے زیادہ انٹرنیشنل سنچریاں بنانے والے اعزاز اپنے نام کر لیا ہے۔ سری لنکا کے خلاف دوسرے ون ڈے میچ میں بابر اعظم نے اپنے کیریئر کی 20ویں سنچری اسکور کی، بابر اعظم اس دہائی میں اب تک 12 انٹرنیشنل سنچریاں بنا چکے ہیں۔
بابر اعظم نہ صرف عالمی سطح پر بلکہ پاکستان کی جانب سے بھی اس دہائی میں سب سے زیادہ 17 سنچریاں اسکور کرنے والے بیٹر ہیں۔
سنچریوں کی اس فہرست میں ویسٹ انڈیز کے شے ہوپ 11 سنچریوں کے ساتھ دوسرے نمبر پر ہیں، جب کہ بھارت کے ویرات کوہلی، شبمان گل، جنوبی افریقہ کے کوئنٹن ڈی کوک اور افغانستان کے رحمان اللہ گرباز 9، 9 سنچریاں بنا کر مشترکہ طور پر تیسرے نمبر پر موجود ہیں۔
قومی بیٹرز میں اس دہائی کی سنچریوں کی فہرست میں فخر زمان 7 سنچریوں کے ساتھ دوسرے نمبر پر ہیں، جب کہ عبداللہ شفیق اور محمد رضوان 6، 6 سنچریاں بنا کر مشترکہ طور پر تیسرے نمبر پر ہیں۔
بابر اعظم نے ون ڈے کرکٹ میں پاکستان کی جانب سے سب سے زیادہ سنچریاں بنانے کا سعید انور کا تاریخی ریکارڈ بھی برابر کردیا ہے۔ بابر نے یہ کارنامہ 139 میچوں کی 136 اننگز میں سرانجام دیا،
یہ بھی پڑھیں
بابر اعظم بول پڑے ، سوشل میڈیا پر اپنا پیغام جاری کر دیا – urdureport.com
ٹک ٹاکر علینہ عامر نے بابر اعظم کو شادی بارئے مشورہ دے دیا – urdureport.com
پاکستان کی تاریخ میں ون ڈے سنچریوں کے معاملے میں بابر اعظم اور سعید انور مشترکہ طور پر پہلے نمبر پر ہیں، جب کہ محمد یوسف 15 سنچریوں کے ساتھ دوسرے جبکہ فخر زمان اور محمد حفیظ 11، 11 سنچریوں کی بدولت تیسرے نمبر پر ہیں۔ سابق بیٹر اعجاز احمد اور انضمام الحق 10، 10 سنچریاں بنا کر اس فہرست میں چوتھے نمبر پر شامل ہیں۔

