قومی ایئر لائنز پی آئی اے کا 5سال بعد برطانیہ کے لیے فلائٹ آپریشن بحال ہو گیا ہے، افتتاحی تقریب آج اسلام آباد اور مانچسٹر ایئر پورٹ پر منعقد ہوگی جس میں مسافروں کو قرعہ اندازی کے ذریعے گاڑی سمیت دیگر انعامات دئیے جا یں گے ۔ترجمان کے مطابق بوئنگ 777جہاز ساڑھے تین سو مسافروں کو لیکر برطانیہ روانہ ہوگا۔
اسلام آباد سے پی آئی اے کی پہلی پرواز مانچسٹر کے لیے اڑان بھرے گی۔
اسلام آباد ایئر پورٹ پر افتتاحی تقریب میں وزیر دفاع خواجہ آصف ،یورپی یونین ،برطانیہ کے سفیروں سمیت حکومت کے اعلی حکام شریک ہوں گے۔
ترجمان پی آئی اے کے مطابق فلائٹ آپریشن کے آغاز کے ساتھ ہی اگلے تین ماہ کی ایڈوانس بکنگ کر لی گئی ہے، ترجمان کے مطابق ساڑھے 12 ہزار مسافروں نے ایڈوانس بکنگ کروا لی اور پی آئی کے مستقبل میں فلائٹ آپریشن کو مزید وسعت دی جائےگی ۔
یہ بھی پڑھیں
پی آئی اے کو برطانیہ میں پروازوں کی اجازت، اگلے ماہ سے فلائٹس بحال – urdureport.com
پی آئی اے 25 اکتوبر سے دوبارہ برطانیہ کے لیے براہ راست پروازیں شروع کر ئے گا – urdureport.com
ترجمان پی آئی اے کے مطابق پہلے مرحلے میں اسلام آباد سے مانچسٹر کے لیے دو پروازیں ہفتہ وار چلائی جائیں گی، دوسرے مرحلے میں لاہور اور کراچی سے بھی پروازیں شروع کی جایں گی
اسلام آباد ایئر پورٹ دوران پرواز اور مانچسٹر ایئرپورٹ پر کیک کٹنگ تقاریب ہونگی۔ افتتاحی تقریب میں قرعہ اندازی کے ذریعے مسافروں کوانعامات دینے کا فیصلہ کیا گیا ہے۔ مسافروں کے لیے قرعہ اندازی میں موبائل اور لکی ڈرا میں 1300سی سی گاڑی شامل ہیں۔
