پاکستان نے جنوبی افریقہ کو سات وکٹوں سے شکست دے کر تین میچوں کی سیریز دو ایک سے جیت لی ہے۔
فیصل آباد میں کھیلے گئے اس میچ میں جنوبی افریقہ نے پہلے بیٹنگ کرتے ہوئے پاکستان کو جیت کے لیے 144 رنز کا ہدف دیا تھا۔پاکستان نے 25ویں اوور میں صرف تین وکٹوں کے نقصان پر یہ ہدف با آسانی مکمل کر لیا۔پاکستانی سپنر ابرار احمد نے فیصل آباد کی سست پچ پر شاندار بولنگ کا مظاہرہ کرتے ہوئے جنوبی افریقہ کے چار کھلاڑی آوٹ کیے۔
اقبال سٹیڈیم میں کھیلے گئے میچ میں جنوبی افریقہ نے ٹاس جیت کر پہلے بیٹنگ کا فیصلہ کیا تھا ،جنوبی افریقہ کی پوری ٹیم 37ویں اوور میں 143 رنز بنا کر آؤٹ ہو گئی۔اس سے قبل جنوبی افریقہ کی جانب سے کوئنٹن ڈی کوک نے 53 اور یوہان ڈی پریٹوریس نے 39 رنز بنائے۔ اس کے علاوہ پیٹر اور میتھیو نے 16، 16رنز بنائے۔
پاکستان کی جانب سے صائم ایوب نے 70 گیندوں پر 77 رنز بنائے اور فورٹوئن کی گیند پر فریرا نے ان کا کیچ لیا۔محمد رضوان 32 اور سلمان آغا پانچ رنز بنا کر ناٹ آؤٹ رہے جبکہ فخر زمان بغیر کوئی رن بنائے برگر کی گیند پر آؤٹ ہوئے۔
