سنی اتحاد کونسل کے سربراہ اور پاکستان تحریک انصاف کے اتحادی صاحبزادہ حامد رضا کو فیصل آباد سے گرفتار کر لیا گیا۔پولیس ذرائع کے مطابق حامد رضا پولیس کو متعدد مقدمات میں مطلوب تھے، عدالت سے سزا یافتہ ہیں۔ ان کی گرفتاری ایسے وقت میں عمل میں لائی گئی ہے جب حکومت 27ویں آئینی ترمیم پاس کروانے جا رہی ہے۔
پولیس کے مطابق صاحبزادہ حامد رضا کو اسلام آباد پولیس نے گرفتار کر کے فیصل آباد پولیس کے حوالے کیا تھا، فیصل آباد پولیس نے حامد رضا کو انسداد دہشت گردی عدالت میں پیش کیا تھا۔
عدالت نے صاحبزادہ حامد رضا کو جیل بھیجنے کا حکم دے دیا۔ذرائع کا کہنا ہے کہ پولیس نے حامد رضا کو گرفتار کر کے فیصل آباد سینٹرل جیل منتقل کر دیا ہے۔
رواں سال 31 جولائی کو فیصل آباد میں انسداد دہشت گردی (اے ٹی سی) کی خصوصی عدالت نے 9 مئی کے تین مقدمات کا فیصلہ سنایا تھا، عدالت نے 196 ملزمان کو سزائیں سنائی تھیں۔
یہ بھی پڑھیں
عدالت نے قومی اسمبلی میں اپوزیشن لیڈر عمر ایوب، سینیٹ میں اپوزیشن لیڈر شبلی فراز، پارلیمانی لیڈر زرتاج گل اور صاحبزادہ حامد رضا کو 10، 10 سال قید کی سزائیں سنائی تھیں۔
