سوشل میڈیا پر اداکارہ عائشہ عمر کا متنازع ریئلٹی شو ’لازوال عشق‘ کو یوٹیوب پر ریلیز کردیا گیا۔اور پہلی ہی قسط میں لڑکے لڑکیوں سے مخالف پسندیدہ جنس کے بارئے ہو چھا گیا۔عائشہ عمر یہ کہہ چکی ہیں کہ یہ ڈیٹنگ شو نہیں
’لازوال عشق‘ کی پہلی قسط کو 29 ستمبر کو یوٹیوب پر ریلیز کیا گیا، جسے چند ہی گھنٹوں میں سوا لاکھ بار دیکھا گیا۔ اور صارفین کی جانب سے اس کو تنقید کا نشانہ بھی بنا یا جا رہا ہے۔
پہلی قسط تقریبا 130 منٹ کے دورانیے پر مشتمل تھی،اور اس کی ممکنہ طور پر 100 اقساط نشر کی جائیں گی اور ہر ہفتے ایک قسط نشر ہو گی۔پہلی قسط میں شو میں شرکت کرنے والی لڑکیوں اور لڑکوں کا تعارف بھی کرایا گیا جب کہ ان سے اپنی پسند کا جنس مخالف کا شخص بھی پوچھا گیا اور انہیں شو کے فارمیٹ سے متعلق معلومات بھی دی گئی۔
پہلی قسط میں ہی شو کی شرکا لڑکیوں کو بولڈ مغربی انداز کے لباس میں دکھایا گیا جب کہ عائشہ عمر بھی ان سے بلا ججھک مختلف موضوعات پر گفتگو کرتی دکھائی دیں۔
مذکورہ شو کے ٹریلر سامنے آنے کے بعد متعدد شخصیات اور سوشل میڈیا صارفین نے پروگرام پر پابندی عائد کرنے کا مطالبہ کیا تھا اور شو کو ’ڈیٹنگ شو‘ قرار دیا تھا، جس پر عائشہ عمر نے دعویٰ کیا تھا کہ ان کا شو ڈیٹنگ نہیں ہے۔ بلکہ یہ ایک عشق کی تلاش کا شو ہے
ان کے شو بارئے پیمرا کا موقف ہے کہ چونکہ ان کا شو کسی ٹی وی چینل پر نشر نہیں ہوگا، اس لیے وہ اس پر پابندی نہیں لگا سکتے۔
سوشل میڈیا صارفین نے پاکستان ٹیلی کمیونی کیشن اتھارٹی (پی ٹی اے) اور حکومت پاکستان سے شو پر پابندی لگانے کا مطالبہ کیا تھا لیکن حکومت کا اس پر کوئی رد عمل سامنے نہیں آیا۔ یہ شو ترکیہ میں فلمایا گیا
