اداکارہ صبا قمر نے ایک صحافی نعیم حنیف کو یو ٹیوب پروگرام میں مبینہ طور پر جھوٹے دعوے کرنے پر 10 کروڑ روپے کا ہرجانے کا نوٹس بھجوا دیا ہے۔
صبا قمر نے دو روز قبل نعیم حنیف کو ہرجانے کا نوٹس بھجواتے ہوئے انہیں ایک ہفتے میں معافی مانگنے اور ان کے خلاف کیے گئے پروگرام کو یوٹیوب سے ہٹانے کا مطالبہ کیا تھا۔
صحافی نے اپنے یوٹیوب پروگرام میں دعویٰ کیا تھا کہ صبا قمر 2003 اور 2004 میں لاہور میں ایک مرد کی جانب سے دیے گئے گھر میں رہتی تھیں اور ان سے شادی کرنا چاہتی تھیں لیکن بعد میں ان کے درمیان اختلافات ہوگئے۔
انہوں نے یہ بھی دعویٰ کیا تھا کہ صبا قمر کو کوئی بھی شخص کسی بھی شہر میں گھر دے دے تو وہ وہاں رہنے کے لیے تیار ہو جاتی ہیں۔
ان کے ایسے بیان کے بعد صبا قمر نے انہیں نوٹس بھجوایا تھا، جس پر اب شوبز شخصیات نے ان کی تعریفیں کرتے ہوئے انہیں بہادر قرار دیا ہے۔
یہ بھی پڑھیں
زارا نور عباس بولڈ لباس پہننے پر تنقیدکی زد میں آگئیں – urdureport.com
علیزے شاہ نے انسٹاگرام اکاؤنٹ سے تمام تصاویر اور پوسٹس کیوں ڈیلیٹ کر دیں – urdureport.com
