بینک اکاؤنٹس اور جائیدادیں ضبط کرنے کا حکم
کینیڈا نے بدنام زمانہ بھارتی بشنوئی گینگ کو دہشت گرد قرار دے دیا اور جائیدادیں ضبط کر نے کا حکم دیا ہے۔کینیڈا کے وفاقی وزیر برائے پبلک سیفٹی نے اعلان کیا ہے کہ بشنوئی گینگ کے ملک بھر میں موجود اکاؤنٹس اور جائیدادیں منجمد کی جائیں گی۔ اس وقت گینگسٹر لارنس بشنوئی جیل میں قید ہے اور وہ گجرات کے سبرامتی مرکزی جیل (Sabarmati Central Jail, Ahmedabad, Gujarat) میں ہے
بشنوئی گینگ کون ہے؟
بشنوئی گینگ بھارت کا ایک بدنام مجرمانہ گروہ ہے جس کی قیادت 32 سالہ نوجوان لارنس بشنوئی کر رہا ہے جو کہ تقریباً 700 کارندوں پر مشتمل ہےجس پر بھتہ خوری، منشیات و اسلحے کی اسمگلنگ، ٹارگٹ کلنگ اور مشہور شخصیات کو دھمکانے جیسے سنگین جرائم کے الزامات ہیں۔ کینیڈا نے س کے خلاف ایکشن لیا کیو نکہ یہ گروہ نہ صرف بھارت بلکہ بیرون ملک بھی سرگرم ہے اور کینیڈین حکام کا یہ کہنا ہے کہ بشنوئی گینگ نے کینیدا میں تارکینِ وطن کو ڈرایا دحمکایا۔
بھارتی ایجنٹوں پر الزامات
کینیڈین پولیس کا کہنا ہے کہ انڈین ایجنٹ اس گینگ کو قتل، بھتہ خوری اور خالصتان تحریک کے حامیوں پر حملوں کے لیے استعمال کرتے ہیں۔ انڈیا نے الزامات کی تردید کی ہے۔ یہ اقدام ایسے وقت میں سامنے آیا ہے جب 2023 میں سکھ رہنما ہردیپ سنگھ نجار کے قتل کے بعد انڈیا اور کینیڈا کے تعلقات پہلے ہی کشیدہ ہیں۔
700 کارندوں پر مشتمل گروہ
تفتیش کاروں کے مطابق لارنس بشنوئی کا گروہ بھتہ خوری، منشیات و اسلحے کی اسمگلنگ اور ٹارگٹ کلنگ میں ملوث ہے۔ اور آئے روز اس گینگ کے جرائم کی فہرست میں مزید اضافہ ہوتا جا رہا ہے۔
لارنس بشنوئی گینگسٹر کیسے بنا ؟
’میں ایک طالبعلم تھا جب میں پہلی بار جیل گیا۔۔ جیل کی دنیا نے مجھے ’گینگسٹر‘ بنا32 سالہ لارنس بشنوئی کا جس کا جیل سے ہی حکم چلتا ہے اور اس نے جیل میں یہ انٹریو دیا جس میں کہا کہ ہمارے بھائی مارے گئے، ہم نے صرف اس کا جواب دیا، انسان کیا بنتا ہے، اس کا دارومدار اس ماحول پر ہوتا ہے جس میں وہ پرورش پاتا ہے۔‘۔جس پر بعد ازاں تفتیش ہوئی کہ اس کا انٹریو کیس کیا گیا۔ لارنس بشنوئی پر قتل سمیت 30 سے زیادہ سنگین نوعیت کے مقدمات درج ہیں، جن میں سے 19 عدالتوں میں زیر سماعت ہیں۔
