ترکی کے شہر استنبول میں پاکستان اور افغان طالبان کے درمیان مزکرات جاری ہیں جو کہ ابھی تک نتیجہ خیز ثابت نہیں ہو سکے تا ہم دوسری جانب بارڈر بند ہو نے کی وجہ سے تاجروں کا کروڑوں روپے کا نقسان ہو رہا ہے منڈیاں ویرانی کا سماں پیش کر نی لگیں۔
پاکستان اور افغان طالبان کے درمیان ترکیہ میں مزاکرات جاری ہیں لیکن مذاکرات کا تیسرا روز بھی مکمل ہونے کے بعد فریقین کی جانب سے کوئی حوصلہ افزا بیان سامنے نہیں آیا ہے۔
پاکستان کے سرکاری خبر رساں ادارے ’پاکستان ٹی وی‘ نے ذرائع کے حوالے سے دعویٰ کیا ہے کہ افغان طالبان کا وفد پاکستان کے پیش کردہ مطالبات ماننے پر پوری طرح آمادہ نہیں اور یہ کہ استنبول میں موجود افغان وفد بار بار کابل انتظامیہ سے مشورہ کر رہا ہے۔
جبکہ دوسری جانب بی بی سی کی ایک رپورٹ کے مطابق
افغانستان کے سرحدی علاقے تک سامان سے لدے ٹرکوں کی لمبی قطاریں اور طورخم سرحد کے قریب واقع ٹرمینل پر مکمل سناٹا ہے۔ قرب و جوار کے علاقوں میں دکانیں اور بازار بند ہیں۔
سرحد کی بندش کے باعث طورخم سے پشاور تک کا راستہ ایک مختلف منظر پیش کر رہا ہے۔ عام حالات میں یہاں بڑی ٹریفک کے آمد و رفت دن کے 24 گھنٹے جاری رہتی ہے مگر آج کل اس پورے راستے پر ٹریفک نہ ہونے کے برابر ہے۔
جبکہ ٹرکوں اور کنٹینرز کی لمبی قطاریں اور اُن کا عملہ (ڈرائیور، کلینر) ٹولیوں کی شکل میں سڑک کے کنارے اپنے اپنے ٹرکوں اور کنٹینرز کے قریب اِس انتظار میں بیٹھے نظر آئے کہ کسی بھی وقت خبر آ سکتی کہ سرحد کھول دی گئی ہے۔
سرحد کی یہ بندش اور سامان تجارت کے جمود کا شکار ہونے کے باعث پشاور کی پھلوں کی منڈی میں بھی وہ گہما گہمی نہیں ہے جو اس کا خاصا ہے۔
منڈی میں سامان ڈھونے والے مزدور ہوں، عملے کے ارکان یا تاجر سب کے مطابق وہ اس صورتحال سے بُری طرح متاثر ہو رہے ہیں اور اس صورتحال کا اثر بالواسطہ عام شہریوں پر بھی پڑ رہا ہے
افغانستان میں موجود ان ٹرک کے عملے والوں نے بتایا کہ ان کے ساتھیوں نے ان کو بتایا کہ کیسے ان کی گاڑیوں پر لدے انگور، انار اور سیب خراب ہوئے اور پھر یہ پھل افغانستان کی سرحدی مارکیٹوں میں اونے پونے داموں بیچ دیے گئے جو کہ پاکستان کی منڈیو ں میں آنا تھا جس کی وجہ سے پاکستانی کی منڈیوں میں فروٹ کی کمیابی کے باعث قیمیتیں آسمان کو چھوتی دکھائی دے رہی ہیں۔
افغانستان سے پھلوں کی ترسیل رُکنے کے باعث بہت سے تاجر ہاتھ پر ہاتھ رکھے بیٹھے دکھائی دیے اور یہی صورتھال پاکستان سے سامان لیکر افغانستان جانے والوں کا ہے۔
یہ پڑھئیے
پاک افغان بارڈر ،کنٹینرز رک گئے ٹماٹر 700 روپے کلو سیب انار مہنگے – urdureport.com
دوحہ مذاکرات کامیاب پاکستان افغانستان جنگ بندی پر راضی – urdureport.com
