نیاگرا فالز قدرت کا عظیم شاہکار، دنیا کیوں اسے عجوبہ قرار دیتی ہے؟

نیاگرا فالز -قدرت کا عظیم شاہکار

نیاگرا فالز جس کو اکثر "دنیا کا ہنی مون کیپٹل” بھی کہا جاتا ہے یہ روح زمین پر قدرت کا وہ حسین شا ہکار ہے جس کو دیکھنے کا خواب ہردل میں سمایا ہوا ہے ،یہاں پر ہر سال ہزاروں شادی شدہ جوڑے ان حسین نظاروں میں آکر اپنی نئی زندگی کا آغاز کر تے ہیں، نیاگرا فالز اس بات کی علامت ہے کہ قدرت جب اپنی خوبصورتی دکھاتی ہے تو انسان صرف حیرت سے دیکھتا رہ جاتا ہے۔یہاں اکثر سورج کی روشنی کے باعث قوسِ قزح حسین منظر پیش کر تے ہے ،یہاں پر کشتی میں بیھٹنا ایک خواب سا ہے۔

نیاگرا فال کا حسین نظارہ ویڈیو پر کلک کریں

کیا یہ صرف ایک آبشار ہے؟

نیاگرا فالز پر اگر اپ کا جانا ہو تو دیکھیں گے کہ یہ ایک آبشار نہیں بلکہ کئی آبشاروں کا مجموعہ ہے,یہاں پر اپ کو کل تین آبشاریں ملیں گی جن میں ہورس شو فال جو کہ سب سے بڑی آبشار ہے اور کینڈا کی حدود میں ہے اس کے بعد دوسری امریکن فال جو کہ امریکہ کی نیورک ریاست میں واقع ہے جبکہ تیسری برائیڈل وِیل فال جو کہ امریکہ فال کے ساتح ہی بہتی ہے۔ یہ فالز شمالی امریکہ میں دو ممالک امریکہ اور کینیڈا کے درمیان واقع ہے اور ان دونو ں ممالک میں جب بھی سیاح جاتے ہیں تو ان کی ترجیج نیاگرا فالز پر جانا ہوتا ہے۔یہاں نیاگرا دریا پر بہتا ہے جو جھیل ایری کو طویل ترین سمندر نما جھیل اونٹاریو سے جوڑتا ہے یہ وہی جحیل ہے جو کہ ٹورنٹو شہر سے آکر ملتی ہے۔ اس مقام کی قدرتی خوبصورتی اور طاقتور پانی کے بہاؤ نے صدیوں سے انسانوں کو ورطہ حیرت میں دال رکھا ہے۔

نیاگرا فالز پر کشتی رانی

نیاگرا فالز پر کشتی رانی دنیا کے سب سے یادگار تجربات میں شمار ہوتی ہے۔ یہاں کی مشہور کشتی کو “Maid of the Mist” کہا جاتا ہے، جو سیاحوں کو آبشار کے بالکل قریب لے جاتی ہے۔ جیسے ہی کشتی آگے بڑھتی ہے، پانی کے چھینٹے، شور، اور فضا میں پھیلی دھند ایک جادوئی منظر پیدا کرتے ہیں۔ یہا ں پر خاص طور پر سیاح پانی بارش سے سے بچاؤ والے نیلے یا سرخ لباس (Rain Poncho) پہنتے ہیں کیونکہ قریب پہنچ کر پورا جسم پانی سے تر ہو جاتا ہے۔۔یہ کشتی 1846۔ء سے چل رہی ہے اور آج تک لاکھوں لوگ اس کا لطف اٹھا چکے ہیں

پانی کا بہاؤ اور توانائی کی پیداوار

نیاگرا فالز سے ہر لمحہ ہزاروں مکعب میٹر پانی نیچے گرتا ہے اندازاً ہر سیکنڈ تقریباً 3,000 سے 6,000 مکعب میٹر پانی بہتا ہے جو کہ سیا حوں کے لیے کشش پیدا کر تا ہے ، نیاگرا فالس سے حاصل ہونے والی پن بجلی امریکہ اور کینیڈا دونوں ممالک کے صنعتی اور شہری علاقوں کو توانائی فراہم کرتی ہے۔ انیسویں صدی کے آخر میں مشہور سائنسدان تھامس ایڈیسن نے یہاں پہلی بار متبادل کرنٹ (AC) کا سسٹم متعارف کروا کر جدید توانائی کے دور کا آغاز کیا۔تاریخی

کیا نیاگرا فالز دنیا کے عجوبوں میں شامل ہے؟

نیاگرا فالز دنیا کے "سات قدرتی عجوبوں میں سرکاری طور پر شامل نہیں ہے، لیکن اس کے قدرتی خوبصورتی کے با عث اسے اکثر دنیا کے قدرتی عجوبوں میں سے ایک غیر رسمی عجوبہ قرار دیا جاتا ہے۔ہورس شو فالز سے پانی تقریباً 167 فٹ (51 میٹر) نیچے گرتا ہے، جو ایک زبردست منظر پیدا کرتا ہے۔اس لیے نیاگرا فالز کو “عجوبہ” کہا جاتا ہے کیونکہ یہ قدرت کی طاقت، خوبصورتی، اور وسعت تینوں کا ایک شاندار مظاہرہ ہے۔

تاریخی پس منظر

نیاگرا فالس تقریباً 12,000 سال قبل برفانی دور (Ice Age) کے اختتام پر وجود میں آیا۔ جب برف پگھل کر بہنے لگی تو پانی نے نرم چٹانوں کو کاٹتے ہوئے ایک شاندار قدرتی دراڑ پیدا کی جو بعد میں نیاگرا فالس کی شکل اختیار کر گئی۔ ابتدائی دور میں مقامی امریکی قبائل کے عقیدے کے مطابق اس مقام کو مقدس سمجھا جاتا تھا لیکن انیسویں صدی میں جب صنعتی انقلاب کے بعد نیاگرا فالز کو توانائی کے بڑے ذریعہ کے طور پر استعمال کیا جانے لگا.

نیاگرا فالس کا بھنور (Niagara Whirlpool

نیاگرا فالس کے نیچے بہنے والے دریا میں ایک قدرتی بھنور بنتا ہے جسے نیاگرا وہرل پول (Niagara Whirlpool) کہا جاتا ہے۔ یہ بھنور نیاگرا دریا کے اُس حصے میں واقع ہے جہاں پانی ایک تنگ وادی سے مڑ کر واپس آتا ہے اور وہاں پر یہ بھنور بناتا ہے اور سیا حوں کے لیے یہ نظارہ بڑا ہی دلکش ہوتا ہے یہاں پانی کی رفتار اور سمت میں موڑ کی بدولت ایک دائرے میں گھو منے لگتا ہے اور طاقتور بھنور بناتا ہے۔

یہ بھنور تقریباً 38 میٹر (125 فٹ) گہرا ہے اور اس میں پانی حیرت انگیز قوت سے گردش کرتا رہتا ہے۔ یہاں کے پانی کا رنگ سبز نیلا ہوتا ہے جو سورج کی روشنی میں مزید چمکدار دکھائی دیتا ہے۔سیاح “Whirlpool Aero Car” نامی کیبل کار میں بیٹھ کر اس بھنور کے اوپر سے گزرتے ہیں۔ یہ کیبل کار 1916ء سے چل رہی ہے۔ ٫