آئی سی سی نے پلیئرز کی تازہ رینکنگ جاری کر دی ہے جس کے مطابق ون ڈے بیٹرز میں بڑی تبدیلی ہو گئی اور انڈیا کے سپر بیٹر ویرات کوہلی سے پہلی پو زیشن چھن گئی۔
نیوزی لینڈ کے ڈیرل مچل نے بھارت کے ویرات کوہلی سے پہلی پوزیشن چھین لی اور وہ ون ڈے کرکٹ کے نمبر ون بیٹر بن گئے ہیں۔
یہ بھی پڑھئیے
پاکستان کا 15رکنی ٹی 20 ورلڈکپ اسکواڈ فائنل ہوگیا کنگ کی واپسی – urdureport.com
ٹی ٹوئنٹی ورلڈ کپ بھارت نہ جانے کے معاملے پر بنگلادیشی حکومت کا پاکستان رابطہ – urdureport.com
ہمیں جوائن کریں
(3) Urdu Report (@UrduReportpk) / X
نئی رینکنگ میں ویرات کوہلی دوسرے نمبر پر چلے گئے جبکہ افغانستان کے ابراہیم زدران تیسری پوزیشن پر آ گئے ہیں۔ بھارتی کپتان روہت شرما چوتھے نمبر پر موجود ہیں۔ پاکستان کے بابر اعظم کی چھٹی پوزیشن برقرار ہے۔
دیگر پاکستانی کھلاڑیوں میں سلمان آغا نے ایک درجہ ترقی کے بعد 16ویں پوزیشن حاصل کر لی، محمد رضوان 23ویں اور فخر زمان 27ویں نمبر پر موجود ہیں۔
ٹی ٹوئنٹی بولرز کی رینکنگ میں بھارت کے ورون چکروتی بدستور پہلے نمبر پر ہیں، جبکہ افغانستان کے راشد خان دو درجے ترقی کے بعد دوسرے نمبر پر آ گئے ہیں۔ پاکستان کے اسپنر ابرار احمد کی پانچویں پوزیشن برقرار ہے۔
ٹی ٹوئنٹی بیٹرز میں بھارت کے ابھیشیک شرما پہلی پوزیشن پر جبکہ پاکستان کے صاحبزادہ فرحان کی پانچویں پوزیشن برقرار ہے۔
