ٹرولیم مصنوعات کی قیمتوں میں کمی کا امکان ہے، ذرائع کے مطابق آئندہ پندرہ روزہ جائزے میں پٹرولیم قیمتوں میں ساڑھے 6 روپے فی لیٹر تک کمی کا امکان ہے۔
ذرائع کا کہنا ہے کہ پٹرول کی قیمت میں 3 روپے 70 پیسے جبکہ ڈیزل کی قیمت میں 4 روپے 28 پیسے فی لیٹر تک کمی کی تجویز ہے۔ اسی طرح مٹی کا تیل 73 پیسے اور لائٹ ڈیزل 6 روپے 35 پیسے فی لیٹر تک سستا ہونے کا امکان ظاہر کیا جا رہا ہے۔
مزید بتایا گیا ہے کہ قیمتوں سے متعلق حتمی ورکنگ 30 نومبر کو حکومت کو بھجوائی جائے گی، جس کے بعد وزیراعظم شہباز شریف نئی قیمتوں پر حتمی منظوری دیں گے۔
