آرٹیفیشل انٹیلیجنس کمپنی ’اوپن اے آئی‘ نے مصنوعی ذہانت سے چلنے والا ’چیٹ جی پی ٹی اٹلس‘ براؤزر متعارف کروایا ہے جسے دُنیا میں سب سے مقبول انٹرنیٹ براؤزر ’گوگل کروم‘ کے لیے چیلنج سمجھا جا رہا ہے۔’چیٹ جی پی ٹی اٹلس‘ کا مقصد مصنوعی ذہانت کو روزمرہ کی براؤزنگ میں ضم کرنا ہے۔
’اوپن اے آئی‘ کا کہنا ہے کہ صارفین کی جانب سے براؤزر استعمال کرنے کے رجحان کو سامنے رکھتے ہوئے ’چیٹ جی پی ٹی اٹلس‘ کو مزید وسعت دی جائے گی۔
’چیٹ جی پی ٹی اٹلس‘ کو ایسے وقت میں متعارف کرایا گیا، جب چیٹ جی پی ٹی بنانے والی کمپنی ’اوپن اے آئی‘ آرٹیفیشل انٹیلیجنس کے بڑھتے استعمال کے تناظر میں اس شعبے میں مزید سرمایہ کاری کر رہی ہے اور دنیا مین آے آئی کے شعبے میں اس می مانگ بڑھ رہی ہے۔
یہ بھی پڑھیں
آن لائن فراڈ سے کیسے بچیں،آدھی دنیا لٹ چکی – urdureport.com
فیس بک کے الگورتھم میں ناپسندیدہ ویڈیوز کو رپورٹ کر نے کا آپشن ملے گا – urdureport.com
اس ماہ کے آغاز میں اوپن اے آئی کے چیف ایگزیکٹو سیم آلٹمین نے انکشاف کیا تھا کہ ہفتہ وار چیٹ جی پی ٹی استعمال کرنے والے صارفین کی تعداد 80 کروڑ تک جا پہنچی ہے۔ اُن کے بقول رواں برس فروری میں یہ 40 کروڑ تھی۔
