معروف بھارتی کامیڈین کپل شرما کے کینیڈا میں کیپس کیفے پر ایک بار پھر فائرنگ کا واقعہ پیش آیا جس کی ذمہ داری بھارت کے بدنام زمانہ بشنوئی گینگ نے قبول کرلی ہے۔لارنس بشنوئی ایک 32سالہ نوجوان ہے جو کہ بھارت میں جیل سے گینگ چلاتا ہے۔
کینیڈا نے پہلے ہی بدنام زمانہ بھارتی بشنوئی گینگ کو دہشت گرد قرار دے دیا اور جائیدادیں ضبط کر نے کا حکم دیا تھا ۔کینیڈا کے وفاقی وزیر برائے پبلک سیفٹی نے اعلان کیا تھا کہ بشنوئی گینگ کے ملک بھر میں موجود اکاؤنٹس اور جائیدادیں منجمد کی جائیں گی۔
اس وقت گینگسٹر لارنس بشنوئی جیل میں قید ہے اور وہ گجرات کے سبرامتی مرکزی جیل (Sabarmati Central Jail, Ahmedabad, Gujarat) میں ہے۔
یہ بھی پڑھیں
لارنس بشنوئی،32سالہ نوجوان جو جیل سے گینگ چلاتا ہے،کینیڈا نے بڑا فیصلہ کر دیا۔ – urdureport.com
چین کا بدنام زمانہ منگ خاندان کون جس کے 11 افراد کو سزائے موت سنائی گئی – urdureport.com
اطلاعات کے مطابق گزشتہ شب نامعلوم حملہ آوروں نے کیفے کی عمارت پر گولیاں چلائیں اس میں کوئِ جانی نقسان تو نہیں ہوا مگر خوف و ہراس کی لہر دوڑ گئی ہے یہ واقعہ چار ماہ کے دوران تیسری بار پیش آیا ہے۔
بھارتی میڈیا کے مطابق فائرنگ کی فوٹیج بھی موصول ہو گئی ہے جس کے مطابق ایک کار میں موجود حملہ آور کیفے پر فائرنگ کرتے ہیں، جس سے عمارت کی کھڑکیاں چکناچور ہو جاتی ہیں۔
میڈیا رپورٹس کے مطابق فائرنگ کی ذمہ داری مبینہ طور پر لارنس بشنوئی گینگ نے قبول کر لی ہے جن میں کولویر سدھو اور گولڈی ڈھِیلون کا تعلق بشنوئِ گینگ کے ساتھ ہے۔دونوں نے سوشل میڈیا پر پوسٹ کے ذریعے دعویٰ کیا کہ ہمارا عام لوگوں سے کوئی مسئلہ نہیں، مگر جو ہمیں دھوکہ دیتے ہیں یا ہمارے مذہب کے خلاف بولتے ہیں، اُنہیں خبردار کیا جا رہا ہے، گولیاں کہیں سے بھی آ سکتی ہیں۔
پولیس کے مطابق حملے کی ممکنہ وجوہات مالی تنازع یا مذہبی جذبات کو ٹھیس پہنچنا ہو سکتی ہیں، پولیس نے تحقیقات کا آغاز کر دیا ہے۔
ویڈیو دیکھنے کے لیے لنک پر کلک کریں
