صمود فلوٹیلا میں شامل جماعت اسلامی کے سابق سینیٹر مشتاق احمد کو بھی رہا کردیا۔
سماجی رابطے کی ویب سائٹ ’ایکس‘ پر اپنی پوسٹ میں نائب وزیراعظم و وزیر خارجہ اسحاق ڈار نے سابق سینیٹر کی رہائی کی تصدیق کرتے ہوئے کہا ہے کہ مجھے یہ بتاتے ہوئے خوشی ہو رہی ہے کہ سابق سینیٹر مشتاق احمد کو رہا کر دیا گیا ہے۔
اسرائییل نے "گلوبل صمود فلوٹیلا” کے مزید 171 اراکین کو ملک بدر کر دیا ہے، جن میں معروف سویڈش موسمیاتی کارکن گریٹا تھنبرگ بھی شامل ہیں۔ رہائی پانے والے افراد نے الزام عائد کیا ہے کہ انہیں دورانِ حراست حکام کی جانب سے ناروا سلوک کا سامنا کرنا پڑا۔
سرکاری بیان کے مطابق، فلوٹیلا سے گرفتار کیے گئے ان کارکنان کو یونان اور سلوواکیہ ڈی پورٹ کیا گیا ہے۔ ملک بدر ہونے والوں میں اکثریت کا تعلق یونان، اٹلی، فرانس اور امریکہ سمیت متعدد ممالک سے ہے۔
وزارتِ خارجہ کی جانب سے جاری کردہ تصاویر میں گریٹا تھنبرگ کو دو دیگر خواتین کے ساتھ ایئرپورٹ پر روانگی کے وقت دکھایا گیا ہے۔
ادھر خبر رساں ادارے اے ایف پی کے مطابق’عالمی صمود فلوٹیلا‘ کے 138 کارکنان اب بھی زیرِ حراست ہیں۔
