• Home  
  • یوکرین جنگ کو روکنے کے لیے ٹرمپ پوٹن ملاقات منسوخ
- ٹاپ سٹوری

یوکرین جنگ کو روکنے کے لیے ٹرمپ پوٹن ملاقات منسوخ

امریکی اور روسی صدور کے درمیان یوکرین جنگ کو روکنے سے متعلق ممکنہ ملاقات منسوخ کر دی گئی ہے۔یاد رہے کہ گذشتہ ہفتے ہی ٹرمپ نے کہا تھا کہ آئندہ دو ہفتوں کے اندر وہ ہنگری میں پوتن سے ملاقات کریں گے۔ یہ اہم ملاقات جس کو منسوخ کر دیا گیا اس کی وجہ بیان […]

امریکی اور روسی صدور کے درمیان یوکرین جنگ کو روکنے سے متعلق ممکنہ ملاقات منسوخ کر دی گئی ہے۔یاد رہے کہ گذشتہ ہفتے ہی ٹرمپ نے کہا تھا کہ آئندہ دو ہفتوں کے اندر وہ ہنگری میں پوتن سے ملاقات کریں گے۔

یہ اہم ملاقات جس کو منسوخ کر دیا گیا اس کی وجہ بیان کرتے ہوئے امریکی صدر ڈونلڈ ٹرمپ کا کہنا ہے کہ وہ ایک بے معنی ملاقات نہیں چاہتے تھے۔منگل کو وائٹ ہاؤس میں ڈونلڈ ٹرمپ نے ایک اہم نکتے کی جانب اشارہ دیا کہ اس کی وجہ ماسکو کی جانب سے موجودہ محاذ پر لڑائی بند کرنے سے انکار ہے۔

اس سے قبل، وائٹ ہاؤس کے ایک اہلکار نے کہا تھا کہ صدر ٹرمپ اور ان کے روسی ہم منصب ولادیمیر پوتن کے درمیان مستقبل قریب میں ملاقات کا کوئی منصوبہ نہیں۔۔ٹرمپ اور پوتن کے درمیان اگست میں امریکی ریاست الاسکا میں ملاقات ہوئی تھی۔

دونوں سربراہوں کے درمیان اس بات چیت کا کوئی خاطر خواہ نتیجہ سامنے نہیں آیا۔ممکن ہے کہ ٹرمپ اور پوتن کی دوسری ملاقات کو منسوخ کرنے کا مقصد اسی طرح کے ایک اور منظر نامے سے بچنے کی کوشش ہو۔

پیر کے روز، بظاہر ٹرمپ یوکرین اور یورپی رہنماؤں کی جانب سے دی گئی تجویز کہ لڑائی کو موجودہ محاذ پر منجمد کر کے جنگ بندی کی جائے پر راضی ہو گئے تھے۔ان کا کہنا تھا کہ لڑائی جہاں ہے، اسے وہیں روک دینا چاہیے۔ ’گھر جاؤ۔ لڑائی بند کرو، لوگوں کو مارنا بند کرو۔ لیکن روس نے بارہا اس تجویز کی مخالفت کی۔

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

اردو رپورٹ جملہ حقوق محفوظ ہیں