پاکستان نے جنوبی افریقا کو پہلے ایک روزہ میچ میں 2 وکٹ سے شکست دی اور سیریز میں 0-1 کی برتری حاصل کرلی۔
فیصل آباد کے اقبال اسٹیڈیم میں 17 سال بعد کھیلے گئے پہلے میچ میں جنوبی افریقا نے 263 رنز کا ہدف سیٹ کیا، جو ٹیم پاکستان نے 8 وکٹ کے نقصان پر 2 گیندوں قبل حاصل کرلیاسیریز کا دوسرا میچ جمعرات 6 نومبر کو جبکہ آخری مقابلہ 8 نومبر ہفتے کے روز کھیلا جائے گا۔
سلمان علی آغا کو پلیئر آف دی میچ قرار دیا گیا، پاکستان کی طرف سے سلمان علی آغا نے 62، محمد رضوان نے 55 رنز بنائے، دیگر کھلاڑیوں میں فخر زمان 45، صائم ایوب 39، حسین طلعت 22، محمد نواز 9، بابر اعظم 7 اور حسن نواز نے 1 رن بنایا۔
جنوبی افریقا کے نگی نگیڈی، ڈونووین فریرا اور کوربن بوش نے 2،2 وکٹ حاصل کیں۔جنوبی افریقی ٹیم آخری اوور میں 263 رنز بناکر آؤٹ ہوگئی تھی، کوئنٹن ڈی کوک نے 63، یوہان ڈی پری ٹوریس نے 57 اور کپتان میتھیو برٹزکی نے 42 رنز کی اننگز کھیلی۔
پہلے ون ڈے میچ میں پاکستان نے جنوبی افریقہ کے خلاف ٹاس جیت کر فیلڈنگ کا فیصلہ کیا تھا۔
