تہران: ایران کے سپریم لیڈر آیت اللہ علی خامنہ ای (Ayatollah Ali Khamenei) کی نماز جنازہ اتوار کے روز دارالحکومت تہران (Tehran) میں مصلیٰ امام خمینی (Mosalla Imam Khomeini) میں ادا کر دی گئی، جس میں لاکھوں افراد نے شرکت کی۔
رپورٹس کے مطابق نماز جنازہ میں ایرانی حکومتی شخصیات، عسکری قیادت، مذہبی رہنماؤں اور عوام کی بڑی تعداد شریک ہوئی۔ جنازے کے دوران رقت آمیز مناظر دیکھنے میں آئے اور شرکا نے اپنے رہنما کو خراج عقیدت پیش کیا۔
آیت اللہ علی خامنہ ای کے ساتھ حالیہ حملے میں جاں بحق ہونے والے ان کے اہل خانہ، جن میں صاحبزادی، داماد، بہو اور نواسی بھی شامل ہیں، کی نماز جنازہ بھی اسی موقع پر ادا کی گئی۔
People can be killed, but ideals cannot. You killed Ayatollah Khamenei, but in reality, you broke a perfume bottle whose scent spread everyplace. You don't understand these things because you have neither civilization, nor history, nor honor. https://t.co/TtWtNlzG3f
— IRI Embassy in Armenia (@iraninyerevan) July 4, 2026
شرکا کی غیر معمولی تعداد کے باعث مصلیٰ امام خمینی کا مرکزی صحن مکمل طور پر بھر گیا، جبکہ بڑی تعداد میں لوگوں نے اطراف کی سڑکوں پر نماز جنازہ ادا کی۔ تقریب کے دوران سیکیورٹی کے سخت انتظامات کیے گئے تھے اور ہزاروں افراد رات ہی سے جنازہ گاہ پہنچنا شروع ہو گئے تھے۔
مذید خبریں
آیت اللہ علی خامنہ ای کی آخری رسومات کا آغاز، لاکھوں کی شرکت متوقع – urdureport.com
ایران سے خام تیل کی درآمد پر غور، تہران سے پاکستانی رابطے – urdureport.com
رپورٹس کے مطابق آیت اللہ علی خامنہ ای کا جسد خاکی بعد ازاں قم (Qom) منتقل کیا جائے گا، جہاں دوسری نماز جنازہ ادا کی جائے گی۔ اس کے بعد مختلف شہروں میں عوام کو آخری دیدار کا موقع فراہم کیا جائے گا، جبکہ تدفین 9 جولائی کو مشہد (Mashhad) میں روضہ امام علی رضا (Imam Reza Shrine) کے احاطے میں کیے جانے کا اعلان کیا گیا ہے۔
This is gratitude of the Iranian people toward a leadership that until the last moment, was devoted to the greatness of Iran and sacrificed his life for the homeland.
#wemustrise
#Martykhamenei
#باید_برخاست pic.twitter.com/zAQIL3Ejkf— IRI Embassy in Armenia (@iraninyerevan) July 4, 2026
ایرانی حکام کے مطابق نماز جنازہ اور سوگ کی تقریبات میں پاکستان سمیت متعدد ممالک کے سرکاری وفود، مذہبی شخصیات اور دیگر نمائندے شریک ہو رہے ہیں۔
صدر ٹرمپ کی حیرت
ڈونلڈ ٹرمپ نے امریکی نیوز ویب سائٹ ایکسیوس کو دیے گئے انٹرویو میں کہا تھا کہ وہ سابق ایرانی سپریم لیڈر آیت علی خامنہ ای کے جنازے پر ایرانیوں کو روتا دیکھ کر حیران رہ گئے، انھوں نے کہا میرا خیال تھا کہ ایرانی لوگ علی خامنہ ای سے نفرت کرتے ہیں۔
ٹرمپ نے یہ بھی کہا تھا کہ امریکا چاہے تو اس موقع پر جمع تمام ایرانی قیادت کو ایک ہی بار میں ختم کر سکتے ہیں لیکن ایسا اس لیے نہیں کریں گے کہ پھر مذاکرات کے لیے کوئی نہیں بچے گا۔
