اردو رپورٹ ڈیسک
پاکستان اور بھارت کے درمیان کرکٹ ورلڈ کپ 2027 کا اہم میچ 10 اکتوبر 2027 کو جوہانسبرگ میں کھیلا جائے گا۔ ٹورنامنٹ کے گروپس اور مکمل شیڈول کا اعلان کردیا گیا ہے۔
ورلڈ کپ 2 اکتوبر سے 21 نومبر 2027 تک جنوبی افریقا، نمیبیا اور زمبابوے میں کھیلا جائے گا۔
پاکستان کے میچز کا شیڈول
پاکستان کرکٹ ٹیم ٹورنامنٹ میں اپنی مہم کا آغاز 8 اکتوبر کو افغانستان کے خلاف میچ سے کرے گی۔
پاکستان کا دوسرا میچ 15 اکتوبر کو ایک کوالیفائر ٹیم کے خلاف ہوگا، جبکہ 19 اکتوبر کو قومی ٹیم کا سامنا زمبابوے سے ہوگا۔
پاکستان اور آسٹریلیا کے درمیان گروپ مرحلے کا میچ 22 اکتوبر کو شیڈول ہے۔
ورلڈ کپ کے گروپس
ورلڈ کپ 2027 میں مجموعی طور پر 14 ٹیمیں حصہ لیں گی، جنہیں گروپ اے اور گروپ بی میں تقسیم کیا گیا ہے۔
گروپ بی میں پاکستان، بھارت، آسٹریلیا، افغانستان، زمبابوے اور ایک کوالیفائر ٹیم شامل ہے۔
گروپ اے میں بنگلہ دیش، انگلینڈ، جنوبی افریقا، سری لنکا، نیوزی لینڈ اور ایک کوالیفائر ٹیم شامل ہے۔
ٹورنامنٹ کا فارمیٹ
ٹورنامنٹ کے پہلے مرحلے میں آخری تین پوزیشن حاصل کرنے والی ٹیمیں شامل ہوں گی، جبکہ پہلے مرحلے کی سرفہرست ٹیم دوسرے مرحلے میں جگہ بنائے گی۔
دوسرے مرحلے میں 12 ٹیمیں شامل ہوں گی، جنہیں دو گروپس میں تقسیم کیا جائے گا۔ تیسرے مرحلے میں سات ٹیموں پر مشتمل سپر سیون مرحلہ ہوگا۔
سپر سیون مرحلے کی چار بہترین ٹیمیں سیمی فائنل کے لیے کوالیفائی کریں گی۔
سیمی فائنلز اور فائنل
ورلڈ کپ 2027 کے سیمی فائنلز 17 اور 18 نومبر کو کھیلے جائیں گے۔
ٹورنامنٹ کا فائنل 21 نومبر 2027 کو جوہانسبرگ میں ہوگا۔
