اردو رپورٹ ڈیسک
پاکستانی اداکارہ میرا کو کینیڈا کی سرحد سے ڈی پورٹ کردیا گیا۔ وہ امریکا سے کینیڈا میں ایک شو میں پرفارم کرنے کے لیے جارہی تھیں۔
رپورٹ کے مطابق اداکارہ کو نیاگرا فالز کے مقام پر کینیڈا کی سرحد پر کئی گھنٹے روکے رکھا گیا، جس کے بعد ان کی ڈی پورٹیشن کا حکم جاری کردیا گیا۔
ڈی پورٹ ہونے کے بعد نیویارک روانگی
کینیڈا میں داخلے کی اجازت نہ ملنے اور ڈی پورٹیشن کا حکم جاری ہونے کے بعد اداکارہ میرا نیویارک روانہ ہوگئیں۔
میرا نے اس معاملے پر میڈیا سے گفتگو کرتے ہوئے کینیڈا سے واپسی کی وجہ بتائی۔
اداکارہ نے ٹیکس کی عدم ادائیگی کو وجہ قرار دے دیا
اداکارہ میرا کا کہنا تھا کہ انہیں کینیڈا میں پرفارمنس پر ٹیکس ادا نہ کرنے کے باعث ڈی پورٹ کیا گیا۔
انہوں نے کہا کہ شو کا منتظم ٹیکس ادا کرے یا نہ کرے، پرفارم کرنے والے فنکار کی ذمہ داری ہے کہ وہ ٹیکس ادا کرے۔
میرا نے مزید کہا کہ وہ جلد ہی اس معاملے پر تفصیلی گفتگو کریں گی۔
