ببھارت میں بہار کے وزیراعلیٰ نیتیش کمار کے ایک سرکاری تقریب کے دوران مسلمان ڈاکٹر کا حجاب کھینچنے کی ویڈیو وائرل ہونے کے بعد جہاں ایک طرف سیاسی جماعتوں نے اسے شرمناک قرار دیا ہے اور ان کے خلاف ملک گیر تحریک شروع ہو گئی ہے وہیں دوسری جانب فلمی ستارے بھی اس بد سلوکی پرنتیش کمار کے خلاف پھٹ پڑے۔
مسلمان لڑکی کا نقاب کھینچنے پر معافی مانگنے کی بجائے بہار کے وزیراعلی نے ڈھٹائی اور بے شرمی کی تمام حدیں کراس کر دیں ایک انٹرویو میں انہوں نے قابل اعتراض جملوں کی ادائیگی کے ساتھ ساتھ مزاق بھی اڑایا۔
بالی ووڈ کی سپر ہٹ فلم ’دنگل‘ کی معروف اداکارہ زائرہ وسیم نے سوشل میڈیا پر اس واقعے پر شدید ردعمل ظاہر کرتے ہوئے کہا ہے کہ ایک عورت کی عزت کوئی کھلونا نہیں کہ اس کے ساتھ عوامی مقام پر کھیلا جائے۔
ان کا کہنا تھا کہ طاقت کسی کو حدود کی خلاف ورزی کرنے کی اجازت نہیں دیتی۔ نتیش کمار اس خاتون سے معافی مانگنی چاہیے۔
یہ بھی پڑھئیے
بونڈی بیچ پر ہلاکت خیز حملے کی خوفناک تفصیلات سامنے آگئیں – urdureport.com
سلطان گولڈن کامیابی کے ساتھ ریورس ڈرائیو جمپ کے دو عالمی ریکارڈز توڑنے میں کامیاب – urdureport.com
اس سے قبل بھارتی اداکارہ راکھی ساونت نے بھی تنقید کرتے ہوئے وزیر اعلیٰ سے عوامی معافی کا مطالبہ کیا ہے۔ انہوں نے کہا کہ کیا آپ کو شرم نہیں آتی۔
عورت کے ساتھ ظلم اور عزت اور برقعے کے ساتھ کھیلنا برداشت نہیں ہوگا۔
جبکہ بہار کے وزیر اعلیٰ نتیش کمار کی جانب سے ایک مسلم ڈاکٹر کا حجاب کھینچنے کے واقعے پر بھارتی دیوبندی عالم قاری اسحاق گورا نے شدید ردعمل کا اظہار کرتے ہوئے کہا ہے کہ اس معاملے میں نریندر مودی حکومت کو بھی فوری کارروائی کرنی چاہیے۔
قاری اسحاق گورا نے کہا کہ سوشل میڈیا پر گردش کرنے والی ویڈیو دیکھ کر صرف ان کا نہیں بلکہ پورے ملک کے عوام کا خون کھول اٹھا ہے۔ انہوں نے کہا کہ ایک طرف وزیر اعلیٰ خواتین کی عزت کی بات کرتے ہیں اور دوسری طرف ایک عورت کی بے عزتی کر رہے ہیں، جو ناقابل قبول ہے۔
