جنوری 2026 سے شروع ہونے والی پہلی ششماہی کے لیے دنیا بھر کے طاقتور ترین پاسپورٹس کی فہرست میں پاکستان ایک بار پھر سب سے نیچے موجود ممالک میں شامل ہے، پاکستانی پاسپورٹ 98ویں نمبر پر آگیا ہے جبکہ 31ممالک میں ویزا فری داخلہ ممکن ہے ۔
31 ۔ہینلے اینڈ پارٹنرز کی جنوری سے جون 2026 کے لیے جاری کی گئی فہرست میں ایک ایشیائی ملک کا پاسپورٹ طاقتور ترین قرار پایا ہے،
یہ بھی پڑھئیے
پاکستانی پاسپورٹ سے اسلامی جمہوریہ ہٹانے سے متعلق سوشل میڈیا پوسٹ پر بڑا بیان آگیا – urdureport.com
پاسپورٹ کا ڈیزائن تبدیل والدہ کا نام درج ہو گا بینکوں کے لیے مشکلات بڑھنے کا امکان – urdureport.com
ہینلے انڈیکس کے مطابق سنگاپور کا پاسپورٹ دنیا کا طاقتور ترین پاسپورٹ ہے،سنگاپور کے پاسپورٹ رکھنے والے افراد 192 ممالک میں ویزا کے بغیر سفر کرسکتے ہیں،دنیا کے دوسرے طاقتور ترین پاسپورٹ کا اعزاز بھی 2 ایشیائی ممالک کے نام رہا اور وہ ہیں جاپان اور جنوبی کوریا۔جاپانی اور جنوبی کورین پاسپورٹس کے ساتھ آپ 188 ممالک میں ویزا فری سفر کرسکتے ہیں۔
ڈنمارک، لکسمبرگ، سویڈن، اسپین اور سوئٹزرلینڈ کے پاسپورٹس مشترکہ طور پر تیسرے نمبر پر موجود ہیں جن کے حامل افراد کو 186 ممالک میں ویزا فری رسائی حاصل ہوجاتی ہے۔
