یوٹیوب پر بیک گراؤنڈ پلے بیک اب صرف پریمیئم صارفین کے لیے ہی دستیاب ہوگا، فری صارفین اس ٹرک سے مزید فائدہ نہیں اٹھا سکیں گے۔
یوٹیوب کے فری صارفین اب موبائل براؤزر پر ویڈیو کو بیک گراؤنڈ میں نہیں چلا سکیں گے۔ گوگل کے مطابق جب صارف ویڈیو چلتے ہوئے براؤزر کو منی مائز یا اسکرین لاک کرتا ہے تو آواز خود بخود بند ہو جاتی ہے۔
اگر صارفین موبائل پر براؤزر کو منی مائز کر کے یا اسکرین لاک کر کے یوٹیوب نہیں سن سکیں گے کیونکہ اب یہ فری سہولت ختم کر دی گئی ہے۔
اس سے پہلے کئی صارفین Edge، Brave، Vivaldi اور Samsung Internet جیسے تھرڈ پارٹی براؤزرز کے ذریعے اس پابندی سے بچ نکلتے تھے اور بغیر پریمیئم سبسکرپشن کے آڈیو سنتے رہتے تھے۔ تاہم اب گوگل نے اس راستے کو بھی بند کر دیا ہے۔
گوگل ترجمان کا کہنا ہے کہ بیک گراؤنڈ پلے بیک یوٹیوب پریمیئم کی خصوصی سہولت ہے، اور اگر ماضی میں کچھ فری صارفین کو یہ سہولت مل رہی تھی تو اب تمام پلیٹ فارمز پر یکساں پالیسی نافذ کر دی گئی ہے۔
فری صارفین کا کہنا ہے کہ براؤزر کیش کلیئر کرنا یا پکچر اِن پکچر سیٹنگ تبدیل کرنا بھی اب کسی کام نہیں آ رہا۔
واضح رہے کہ یوٹیوب پریمیئم صارفین کو بیک گراؤنڈ پلے بیک، آف لائن ویڈیو ڈاؤن لوڈ، ویڈیوز کی قطار بنانے اور بہتر ویڈیو کوالٹی جیسی سہولیات فراہم کی جاتی ہیں۔
مزید پڑھئِے
