پاکستان سپرلیگ کے 11ویں ایڈیشن کے لیے لاہور ایکسپوسنٹر میں نیلامی کا عمل مکمل ہوا اور نیلامی کے دوران بعض کھلاڑیوں کی بولی میں سخت مقابلہ رہا جبکہ بعض خریدار کے ہاتھ بعض سستے ترین کھلاڑی بھی آئے۔
لاہور میں ہونے والی پلیئرز آکشن میں 800 سے زائد ملکی و غیر ملکی کھلاڑی رجسٹرڈ تھے ان میں سے سب سے مہنگے اور سب سے سستے کھلاڑی کون کونسے رہے یہ تفصیل مندرجہ ذیل ہے۔
پلیئر آکشن میں سب سے مہنگے کھلاڑی پاکستان کے نسیم شاہ کو 8 کروڑ 65 لاکھ روپے میں ٹیم راولپنڈی نے خریدا جبکہ پاکستانی آل راؤنڈر فہیم اشرف کو اسلام آباد یونائیٹڈ نے 8 کروڑ 50 لاکھ روپے میں حاصل کرلیا۔
<blockquote class=”twitter-tweet” data-media-max-width=”560″><p lang=”ur” dir=”rtl”>نسیم شاہ کو خریدنے کے لئے اسلام آباد یونائیٹڈ اور کراچی کنگز کے درمیان سخت مقابلہ چل رہا تھا۔ 4 کروڑ 20 لاکھ سے شروع ہونے والی بولی 8 کروڑ تک چلی گئی تھی۔۔ پھر راولپنڈی کی طرف سے انضمام الحق نے اینٹری کی اور ایک ہی بار 8 کروڑ 65 لاکھ کی بولی لگا کر نسیم شاہ کو خرید لیا۔۔
نسیم شاہ کو خریدنے کے لئے اسلام آباد یونائیٹڈ اور کراچی کنگز کے درمیان سخت مقابلہ چل رہا تھا۔ 4 کروڑ 20 لاکھ سے شروع ہونے والی بولی 8 کروڑ تک چلی گئی تھی۔۔ پھر راولپنڈی کی طرف سے انضمام الحق نے اینٹری کی اور ایک ہی بار 8 کروڑ 65 لاکھ کی بولی لگا کر نسیم شاہ کو خرید لیا۔۔ pic.twitter.com/ZYV79d2NOO
— چوہدری شاہد محمود (@CSMR786) February 11, 2026
غیرملکی کھلاڑیوں میں نیوزی لینڈ کے جارح مزاج مڈل آرڈر بلے باز ڈیرل مچل کو 8 کروڑ 5 لاکھ روپے میں ٹیم راولپنڈی نے خریدا لیا۔
سب سے سستے کھلاڑیوں کی ایک طویل فہرست ہے جن میں ٹیم سیالکوٹ اسٹالینز نے محمد اویس ظفر ، لیکلان شا، ڈیلانو پوٹگیئٹر کو 60،60 لاکھ روپے میں خریدا جبکہ پشاور زلمی نے مرزا طاہر بیگ ، محمد ناہید رانا کو 60،60 لاکھ روپے میں حاصل کیا۔
کوئٹہ گلیڈی ایٹرز نے سیمیول ہارپر، بیون جیکبز کو جبکہ اسلام آباد یونائیٹڈ نے ثمین گل اور دپیندر سنگھ ایری کو 60،60 لاکھ میں خریدا۔ اس طرح 60 لاکھ مین بکنے والے کھلاڑیوں کی فہرست طویل ہے۔
یوں پلیئر آکشن کے دوران 60 لاکھ روپے میں خریدے جانے والے سب سے زیادہ کھلاڑی (7) ٹیم حیدرآباد کنگزمین میں شامل ہیں جبکہ سب سے کم کھلاڑی اسلام آباد یونائیٹڈ اور کراچی کنگز میں صرف 2، 2 شامل ہیں۔
یہ بھی پڑھئیے
