بیرسٹر سلمان صفدر کی جانب سے عمران خان کی صحت بارئے سپریم کورٹ اف پاکستان میں جمع کرائی جانے والی رپورٹ میں اہم انکشافات کیے گئے ہیں۔
بیرسٹر سلمان صفدر نے سپریم کورٹ اف پاکستان کے فرینڈ کی حیثیت سے عمران خان سے جیل میں ملاقات کی اور ان کی صحت کے بارے میں ایک رپورٹ تیار کر کے عدالت کو پیش کی۔
رپورٹ میں بتایا گیا کہ
درخواست گزار نے زیرِ دستخطی کو آگاہ کیا کہ اکتوبر 2025 تک ان کی دونوں آنکھوں کی بینائی نارمل 6×6 تھی۔ اس کے بعد انہیں مسلسل دھندلاہٹ اور نظر کے دھندلے پن کی شکایت شروع ہوئی۔
انہوں نے متعدد بار اُس وقت کے جیل سپرنٹنڈنٹ کو اپنی علامات سے آگاہ کیا، تاہم جیل انتظامیہ نے کوئی مؤثر اقدام نہ اٹھایا اور نہ ہی مناسب طبی سہولت فراہم کی۔
طبی ہنگامی صورتحال اور تشخیص
بعد ازاں درخواست گزار کی دائیں آنکھ کی بینائی اچانک اور مکمل طور پر ختم ہو گئی۔ اس سنگین صورتحال کے بعد ہی پمز ہسپتال کے ماہر امراضِ چشم ڈاکٹر محمد عارف کو معائنہ کے لیے طلب کیا گیا۔
تشخیص: معائنے کے بعد معلوم ہوا کہ آنکھ میں خون کا لوتھڑا (Blood Clot) بن چکا تھا جس سے شدید نقصان ہو چکا تھا۔
موجودہ صورتحال: اگرچہ بعد ازاں خصوصی انجیکشن سمیت علاج فراہم کیا گیا، تاہم تاخیر کے باعث نقصان زیادہ تر ناقابلِ تلافی ثابت ہوا۔ نتیجتاً درخواست گزار کی دائیں آنکھ کی بینائی محض 15 فیصد رہ گئی ہے۔
