غیر ملکی خبر رساں ایجنسی کے مطابق سعودی عرب میں رمضان المبارک کا چاند نظر آگیا سعودی عرب اور دیگر خلیجی ممالک میں کل بروز بدھ 18 فروری کو یکم رمضان المبارک اور پہلا روزہ ہو گا۔
آج رات مسجد الحرام اور مسجد نبویّ شریف سمیت خلیجی ممالک کی مساجد میں نماز تراویح ادا کی جائے گی۔
سعودی عرب میں 12 مقامات پر رمضان المبارک کا چاند دیکھا گیا۔ سعودی سپریم کورٹ نے تکنیکی نظام کے ذریعے تمام 12 مقامات کو آپس میں منسلک کر دیا تھا۔
متحدہ عرب امارات میں بھی رمضان المبارک کا چاند نظر آ گیا۔
دوسری جانب سنگاپور، فلپائن اور انڈونیشیا سمیت کئی ممالک میں رمضان المبارک کا چاند نظر نہیں آیا۔ ان ممالک میں رمضان المبارک کا آغاز 19 فروری بروز جمعرات سے ہو گا۔
پاکستان انڈیا میں کل رمضان المبارک کا چاند نظر آنے کا امکان ہے۔
یہ بھی پڑھئیے
