انسداد دہشت گردی عدالت مئی 2023 کے ریڈیو پاکستان پشاور پر حملے اور توڑ پھوڑ کیس میں ایک اہم پیشرفت سامنے آئی ہے ۔
خیبر پختونخوا پولیس نے عدالت کو بتایا کہ موجودہ وزیراعلیٰ سہیل آفریدی کو کیس میں نامزد کیا گیا ہے۔
بدھ کے روز انسدادِ دہشتگردی عدالت نمبر 111 کے سامنے ریڈیو پاکستان حملہ و توڑ پھوڑ کیس کی سماعت کے دوران تفتیشی افسر بھی عدالت کے سامنے پیش ہوئے۔
باخبر ذرائع نے بتایا کہ پولیس نے فرانزک اور نادرا کی رپورٹ کی بنیاد پر 5 اور افراد کو اس کیس میں نامزد کیا ہے۔
جن میں خیبر پختونخوا کے موجودہ وزیراعلیٰ سہیل آفریدی، سابق وزیر تیمور جھگڑا، کامران بنگش، صوبائی رہنما عرفان سلیم اور ایک پارٹی رکن شامل ہیں۔
تاہم تفتیشی افسر کی جانب سے نامزدگی کے باوجود استغاثہ نے اب تک اس واقعے کے جاری مقدمے میں سہیل آفریدی سمیت دیگر 5 ملزمان کو نامزد کرنے کے لیے انسدادِ دہشتگردی عدالت میں چالان جمع نہیں کروایا۔
عدالت نے 17 مارچ کو سماعت کے دوران رپورٹ جمع کرنے کی ہدایت کی۔
یہ بھی پڑھئِے
