ایران کے پاسدارانِ انقلاب نے سعودی عرب، متحدہ عرب امارات اور قطر میں موجود تیل اور گیس تنصیبات پر حملوں کی وارننگ جاری کرتے ہوئے اس کے قریب رہائش پزیر شہریوں، ملازمین اور دیگر افراد کو علاقے سے نکل جانے کی وارننگ جاری کر دی ہے۔
پاسدارانِ انقلاب سے منسلک خبر ایجنسی نے اپنے ٹیلی گرام چینل پر لوگوں کے لیے ’فوری وارننگ‘ جاری کی ہے کہ وہ درج ذیل گیس اور آئل آئل تنصیبات سے دور چلے جائیں۔
سعودی عرب میں SAMREF Refinery اور Jubail Petrochemical Complex توانائی اور پیٹروکیمیکل صنعت کے بڑے مراکز ہیں، جبکہ متحدہ عرب امارات میں Al Hosn Gas Field گیس کی پیداوار کا اہم منصوبہ ہے۔ اسی طرح قطر میں Mesaieed Petrochemical Complex اپنی ہولڈنگ کمپنی QatarEnergy کے تحت کام کرتا ہے، اور Ras Laffan Refinery بھی ملک کے بڑے صنعتی منصوبوں میں شامل ہے۔
پاسدارانِ انقلاب کی جانب سے جاری بیان میں کہا گیا ہے کہ ’یہ تمام مراکز اب جائز ہدف بن گئے ہیں اور آئندہ چند گھنٹوں میں انھیں نشانہ بنایا جائے گا۔‘
’تمام شہریوں، رہائشیوں اور ملازمین کو کہا جاتا ہے کہ وہ فوراً ان علاقوں سے دور بلا تاخیر محفوظ فاصلے پر چلے جائیں۔
جبکہ پاسدارانِ انقلاب سے منسلک نیوز ایجنسی تسنیم کے مطابق جنوبی پارس گیس فیلڈ میں ایران کے پیٹروکیمیکل کمپلیکس پر فضائی حملے ہوئے ہیں۔
دوسری جانب نیم سرکاری خبر ایجنسی فارس کے مطابق گیس فیلڈ میں آگ لگی ہوئی ہے اور وہاں فائر اور ریسکیو اداروں کے اہلکار موجود ہیں۔
جنوبی پارس دنیا کی سب سے بڑی گیس فیلڈ ہے، جہاں قطر اور ایران دونوں کے مراکز موجود ہیں۔
تسنیم کے مطابق یہ حملہ بدھ کی صبح ہوا تھا۔
یہ بھی پڑھئِے
