لاہور: پاکستان سپر لیگ (پی ایس ایل) کی نئی فرنچائز سیالکوٹ سٹالینز کا نام تبدیل کر کے ایک بار پھر ملتان سلطانز رکھ دیا گیا ہے، جس کے بعد ٹورنامنٹ میں ملتان سلطانز کی باضابطہ واپسی ممکن ہو گئی ہے۔
پی ایس ایل کے چیف ایگزیکٹو آفیسر سلمان نصیر نے لاہور میں پریس کانفرنس کرتے ہوئے بتایا کہ گوہر شاہ کی درخواست پر سیالکوٹ سٹالینز کا نام تبدیل کیا گیا۔ ان کے مطابق فرنچائز کو چھ ممکنہ ناموں میں سے کسی ایک کے انتخاب کی اجازت تھی، جس کے تحت ملتان سلطانز کا نام منتخب کیا گیا۔
🚨GOHAR SHAH ENDS SIALKOT STALLIONZ’S JOURNEY
– BOUGHT THE FRANCHISE( In partnership ) FOR 200 CRORE AND RENAMED IT MULTAN SULTANSpic.twitter.com/3u01QaHZkr
— junaiz (@dhillow_) March 3, 2026
نام کی تبدیلی کے بعد ملتان سلطانز کے آفیشل انسٹاگرام اکاؤنٹ پر ایک تشہیری ویڈیو جاری کی گئی، جس میں پہلے ایک گھوڑا اور پھر اس پر سوار ایک گھڑ سوار کو دکھایا گیا۔ ویڈیو کے ساتھ یہ پیغام درج تھا:
"ایک سٹالین کو ہمیشہ ایک سلطان کی ضرورت ہوتی ہے۔”
افتتاحی میچ اور تقریب
سلمان نصیر کے مطابق پی ایس ایل کا پہلا میچ 26 مارچ کو حیدر آباد کنگز مین اور لاہور قلندرز کے درمیان لاہور میں کھیلا جائے گا، جبکہ افتتاحی تقریب بھی لاہور میں منعقد ہوگی۔
نام کی تبدیلی کیوں؟
پریس کانفرنس کے دوران فرنچائز کے نمائندے حمزہ مجید نے بتایا کہ ان کی کمپنی اوزی ڈیویلپرز اور سی ڈی وینچرز کے درمیان ایک اسٹریٹیجک پارٹنرشپ طے پائی ہے۔ سی ڈی وینچرز برطانوی اور پاکستانی شراکت داروں پر مشتمل کمپنی ہے جو اس سے قبل ملتان سلطانز کی نیلامی میں بھی شریک ہو چکی ہے۔
حمزہ مجید کے مطابق سی ڈی وینچرز کے گوہر شاہ فرنچائز کے سی ای او ہوں گے۔
فرنچائز کی ویلیو میں اضافہ
سلمان نصیر نے انکشاف کیا کہ ملتان سلطانز کی سالانہ ویلیو بڑھ کر دو ارب روپے ہو چکی ہے، جو لیگ میں اس فرنچائز کی مقبولیت اور کاروباری اہمیت کو ظاہر کرتی ہے۔
گوہر شاہ کا پیغام
ملتان سلطانز کے نئے سی ای او گوہر شاہ نے اپنے بیان میں جنوبی پنجاب کے شائقین کو مخاطب کرتے ہوئے کہا کہ انہیں انتہائی خوشی ہے کہ ملتان سلطانز ایک بار پھر پی ایس ایل میں کم بیک کر رہی ہے۔
انہوں نے اپنے آبائی علاقے جلال پور پیر والا میں کھیلے گئے ایک یادگار میچ کا ذکر کرتے ہوئے کہا کہ کرکٹ سے ان کی وابستگی جذباتی نوعیت کی ہے۔ ان کے مطابق فرنچائز حاصل کرنے کے دو مقاصد ہیں:
- کرکٹ سے متعلق اپنی وراثت کا تحفظ
- کھیل کو مزید بلند مقام تک پہنچانے کے لیے محنت
آخر میں انہوں نے شائقین سے ٹیم کی بھرپور حمایت کی اپیل کی۔
یہ بھی پڑھئِے
