کے سپر ایٹ مرحلے میں پاکستان اور انگلینڈ کے درمیان اہم مقابلہ آج سری لنکا کے شہر کینڈی میں واقع Pallekele International Cricket Stadium میں کھیلا جائے گا۔
میچ سے قبل موسم کی صورتحال سے متعلق اہم پیشگوئیاں سامنے آئی ہیں۔
موسم کی پیشگوئی کرنے والی ویب سائٹ AccuWeather کے مطابق دن کے اوقات میں پالیکیلے میں بارش کا امکان 25 فیصد ہے جبکہ بادلوں کا احاطہ تقریباً 48 فیصد رہنے کی توقع ہے۔
تاہم رات کے وقت بارش کے امکانات کم ہو کر صرف 2 فیصد رہ جائیں گے اور بادلوں کی شرح بھی تقریباً 12 فیصد تک محدود ہو جائے گی۔
محکمۂ موسمیات کے مطابق کینڈی میں شام 7 بجے موسم زیادہ تر صاف رہنے کا امکان ہے۔ اس دوران درجۂ حرارت تقریباً 27 ڈگری سینٹی گریڈ جبکہ ریئل فیل 28 ڈگری سینٹی گریڈ ہو سکتا ہے۔
ماہرین کے مطابق میچ کے دوران بارش کے امکانات نہ ہونے کے برابر ہیں اور آسمان صاف رہنے کی توقع ہے۔
میچ شام ساڑھے چھ بجے شروع ہوگا اور شائقینِ کرکٹ کو ایک سنسنی خیز مقابلے کی امید ہے۔ قومی ٹیم کے فائنل الیون میں ایک یا دو تبدیلیوں کا امکان ظاہر کیا جا رہا ہے، جبکہ ٹیم مینجمنٹ پچ اور موسمی حالات کو مدنظر رکھتے ہوئے حتمی فیصلہ کرے گی۔
یہ بھی پڑھئیے
ٹی ٹوئنٹی ورلڈ کپ: اہم میچ میں آج پاکستان اور انگلینڈ آمنے سامنے – urdureport.com
سوریا کی بھارتی میڈیا کے ہاتھوں دھلائی،کیا اب پاک بھارت سیمی فائنل ہو سکے گا؟ – urdureport.com
یاد رہے کہ اس سے قبل پاکستان اور نیوزی لینڈ کے درمیان سپر ایٹ مرحلے کا میچ بارش کی نذر ہو گیا تھا۔ کپتان سلمان علی آغا کی جانب سے ٹاس جیت کر پہلے بیٹنگ کے اعلان کے فوراً بعد بارش شروع ہو گئی تھی جو ڈھائی گھنٹے سے زائد جاری رہی، جس کے بعد امپائرز نے میچ منسوخ کرنے کا فیصلہ کیا اور دونوں ٹیموں کو ایک، ایک پوائنٹ دے دیا گیا۔
ٹورنامنٹ قوانین کے مطابق سپر ایٹ مرحلے کے اختتام پر ہر گروپ کی ٹاپ دو ٹیمیں سیمی فائنل کے لیے کوالیفائی کریں گی، جو 4 اور 5 مارچ کو کھیلے جائیں گے۔
