پنجاب کی حکومت ملک میں جاری توانائی بحران کے پیشِ نظر اہم اقدامات کی تیاری کر رہی ہے، جبکہ محکمہ توانائی نے وزیرِ اعلیٰ کو اہم سفارشات پیش کر دی ہیں۔
حکام نے 15 اپریل تک اسکول بند رکھنے کی تجویز دی ہے اور ہائبرڈ (آن لائن اور آف لائن) تعلیمی نظام پر بھی غور کیا جا رہا ہے۔
پیٹرول اور ڈیزل کی راشننگ کا نظام بھی زیرِ غور ہے، جس میں کوپن یا ڈیجیٹل ٹریکنگ کے ذریعے ایندھن کی فراہمی کی جا سکتی ہے، جبکہ مخصوص دنوں میں گاڑیوں کو محدود مقدار میں ایندھن دینے کی تجویز بھی شامل ہے۔
دیگر سفارشات میں نجی کمپنیوں کے لیے سخت ورک فرام ہوم پالیسی، غیر ضروری تقریبات پر پابندی، میٹرو اور بس سروسز میں اضافہ، ایل ای ڈی بل بورڈز اور آرائشی روشنیوں کو بند کرنا شامل ہے۔
اس کے علاوہ رات 10 بجے کے بعد اسٹریٹ لائٹس متبادل طریقے سے چلائی جائیں گی، جبکہ مارکیٹوں کے اوقاتِ کار کو مزید محدود کرنے پر بھی غور کیا جا رہا ہے۔
