پاکستان سپر لیگ (پی ایس ایل) کے 11ویں ایڈیشن میں شامل ہونے والی نئی فرنچائز راولپنڈی نے اپنی ٹیم کا نام باضابطہ طور پر ’پنڈیز‘ رکھنے کا اعلان کر دیا ہے۔
یہ اعلان ٹیم کی جانب سے سوشل میڈیا پر جاری کردہ 25 سیکنڈ کی ایک ویڈیو کے ذریعے کیا گیا، جس میں راولپنڈی کے مشہور مقامات کی جھلکیاں دکھائی گئیں ۔
ویڈیو کے پس منظر میں جوشیلا گیت “پنڈی اے پنڈی اے، شہر اے پنڈی اے” بھی شامل تھا۔
🚨 Team Rawalpindi’s official franchise name is here.
We’re bold
We’re challenging
We’re bringing the vibe
We’re changing the game 🔥Next up: the official team logo 👀🔜#HBLPSL11 #NewEra | @thePSLt20 | @M_Ahsan_Tahir | @CWR_WALEE pic.twitter.com/f9hXr3iRf0
— Pindiz (@thepindiz) February 22, 2026
ٹیم کے نام کے اعلان کے فوراً بعد سوشل میڈیا پر ملا جلا ردعمل سامنے آیا۔ بعض شائقین نے نام کو منفرد اور مقامی شناخت کی عکاسی قرار دیا، جبکہ کئی صارفین نے اسے غیر سنجیدہ اور غیر معیاری نام قرار دیتے ہوئے تنقید کی۔
سوشل میڈیا پر ایک صارف نے لکھا کہ پی ایس ایل ایک بین الاقوامی برانڈ ہے، اس لیے ٹیموں کے نام رکھتے وقت معیار اور سنجیدگی کا خیال رکھنا چاہیے۔صرف سرمایہ کاری کی بنیاد پر کسی بھی قسم کا نام رکھ دینا مناسب نہیں۔
کچھ صارفین نے آن لائن درخواست کا لنک شیئر کرتے ہوئے نام کی تبدیلی کا مطالبہ بھی کیا، جبکہ بعض افراد نے طنزیہ تبصرے کرتے ہوئے متبادل نام تجویز کیے۔
ایک صارف کا کہنا تھا کہ نئی ٹیموں کی شمولیت ایک دلچسپ قدم تھا، تاہم ناموں کے انتخاب نے شائقین کا جوش کم کر دیا ہے۔
واضح رہے کہ پی ایس ایل میں نئی فرنچائز کی شمولیت سے مقابلے میں اضافہ متوقع ہے، تاہم ٹیم کے نام پر جاری بحث نے لیگ کے آغاز سے قبل ہی توجہ اپنی جانب مبذول کر لی ہے۔
یہ بھی پڑھئِں
