ثانیہ اشفاق نے دھمکیوں والی واٹس ایپ چیٹس شیئر کرتے ہوئے پاکستان کرکٹ ٹیم کے آل راؤنڈ عماد وسیم پر اسقاطِ حمل پر مجبور کرنے کا الزام عائد کر دیا کیا۔
ثانیہ اشفاق نے انسٹاگرام پر پیغامات شیئر کرتے ہوئے 37 سالہ کرکٹر پر بے وفائی، بچوں کو نظر انداز کرنے اور اسقاطِ حمل پر مجبور کرنے جیسے سنگین الزامات عائد کیے ہیں۔
عماد وسیم نے نائیلہ راجہ سے دوسریشادی کی تصدیق کی ہے جس کے بعد ثانیہ اشفاق کی جانب سے یہ چیٹس شئیر کی گئیں۔
ثانیہ اشفاق نے جولائی 2025ء کی واٹس ایپ چیٹس کے اسکرین شاٹس شیئر کیے، مبینہ پیغامات میں کرکٹر نے خبردار کیا ہے کہ اگر انہوں نے ان سے یا اہلِ خانہ سے رابطہ کیا تو وہ قانونی کارروائی کریں گے۔
اسکرین شاٹس کے مطابق ثانیہ جو اس وقت خود کو حاملہ قرار دیتی ہیں، انہوں نے ان سے بچے کی پیدائش کے موقع پر موجود رہنے کی درخواست کی تا عماد وسیم نے دھمکیاں دیں۔
واضح رہے کہ ثانیہ اشفاق نے گزشتہ روز ایک ویڈیو پیغام بھی شیئر کیا تھا جس میں انہوں نے عماد وسیم پر دسمبر 2023ء میں اسقاطِ حمل پر مجبور کرنے کا الزام عائد کیا اور انہیں قاتل قرار دیا۔اور کہا کہ ان کے پاس اس کے ثبوت موجود ہیں۔
انہوں نے اسلام آباد یونائیٹڈ سے بھی مطالبہ کیا کہ وہ اپنے قواعد و ضوابط اور اقدار کے مطابق عماد وسیم کے خلاف کارروائی کریں۔
مزید برآں ثانیہ اشفاق نے وزیرِ اعظم اور چیئرمین پی سی بی محسن نقوی سے معاملے کا نوٹس لینے اور تحقیقات کا مطالبہ کیا ہے۔
یاد رہے کہ عماد وسیم اور ثانیہ اشفاق کی شادی 2019ء میں ہوئی تھی جبکہ ان کی طلاق دسمبر 2025ء میں ہوئی تھی۔
یہ بھی پڑھئِے
