وفاقی وزیر توانائی اویس لغاری نجی شعبے کی شمولیت سے پاور سیکٹر کی بہتری کیلئے پر امید ہیں اور کہا کہ مسابقتی مارکیٹ سے صارفین کو سستی اور معیاری بجلی کی فراہمی ممکن ہوگی۔
اسلام آباد میں تقریب سے خطاب کرتے ہوئے وزیر توانائی نے کہا کہ پرائیویٹ پارٹنرشپ سے توانائی کےشعبے میں اصلاحات لا رہے ہیں۔ ہول سیل مارکیٹ سے ریٹیل مارکیٹ تک ٹرانزیکشن میں بہتری کی کوششیں جاری ہیں۔مسابقتی مارکیٹ سے صارفین کو سستی اور معیاری بجلی کی فراہمی ممکن ہوگی۔
وزیر توانائی نے کہا کہ وزیراعظم کا شکرگزار ہوں کہ انہوں نے مجھ پر اعتماد کیا اور ہم یہاں تک سفر مکمل کر سکے۔ ریگولیٹرز کی مدد کے بغیر بھی کام ممکن نہیں ہوتا ۔ ابھی رویلنگ چارجز کا معاملہ حل ہونا ہے اس پر وزیراعظم کو سمری ارسال کردی گئی ہے۔
یہ بھی پڑھئیے
8 فروری تک جمع درخواستوں پر پرانے نیٹ میٹرنگ قواعد لاگو ہوں گے، اویس لغاری – urdureport.com
وفاقی وزیر توانائی اویس لغاری خود بھی نیٹ میٹرنگ کے صارف نکلے – urdureport.com
اس سال جون تک پہلے دو سو میگا واٹ کی ٹرانزیکشن کا عمل مکمل کرلیا جائے گا۔ اس کام کے لیے پچھلے پچیس سال سے صرف باتیں ہورہی تھی ۔
