بالی ووڈ اداکارہ سونم کپور Sonam Kapoor نے اپنے دوسرے بیٹے کی پیدائش کے بعد مداحوں کے ساتھ پہلی جھلک شیئر کر دی۔
انہوں نے فوٹو اینڈ ویڈیو شیئرنگ ایپ Instagram پر تصاویر پوسٹ کیں، جن میں وہ اسپتال کے بستر پر اپنے نومولود بچے کو سینے سے لگائے ہوئے نظر آئیں۔
سونم کپور کا جذباتی پیغام
اداکارہ نے تصاویر کے ساتھ ایک جذباتی پیغام بھی لکھا، جس میں انہوں نے ڈاکٹرز اور طبی عملے کا شکریہ ادا کیا۔ ان کا کہنا تھا کہ وہ خاص طور پر اپنی ڈاکٹر کی مشکور ہیں جنہوں نے حمل کے دوران بھرپور رہنمائی اور دیکھ بھال فراہم کی، جس سے انہیں اعتماد اور سکون کا احساس ملا۔
انہوں نے مزید لکھا کہ اسپتال کے عملے کی پیشہ ورانہ مہارت کے ساتھ ساتھ ان کی ہمدردی اور خلوص نے اس تجربے کو یادگار بنا دیا۔
سونم کے مطابق ایسی مثبت دیکھ بھال ہر مریض کو ملنی چاہیے کیونکہ یہی چیز مشکل وقت کو آسان بنا دیتی ہے۔
سونم کپور کے بیٹے کی پیدائش کب ہوئی ؟
یہ خوشخبری بھی سامنے آئی ہے کہ Sonam Kapoor اور ان کے شوہر Anand Ahuja کے ہاں 29 مارچ 2026 کو دوسرے بیٹے کی پیدائش ہوئی۔ اس خوشی کے موقع پر انہوں نے ایک محبت بھرا پیغام شیئر کرتے ہوئے کہا کہ ان کا خاندان مزید خوشیوں سے بھر گیا ہے۔
اداکارہ نے بتایا کہ ان کا بڑا بیٹا ‘وایو’ بھی اپنے چھوٹے بھائی کی آمد پر بے حد خوش ہے اور گھر میں ایک نئی زندگی کے آنے سے خوشیوں اور برکتوں میں اضافہ ہو گیا ہے۔
واضح رہے کہ Sonam Kapoor اور Anand Ahuja کی شادی 2018 میں ممبئی میں ایک روایتی سکھ تقریب کے تحت ہوئی تھی، جبکہ ان کے پہلے بیٹے ‘وایو کپور آہوجہ’ کی پیدائش 2022 میں ہوئی تھی۔
یہ بھی پڑھئِے
