امریکی محکمہ انصاف United States Department of Justice نے کہا ہے کہ ایپسٹین فائلز میں سابق صدر ڈونلڈ ٹرمپ کے خلاف الزامات سے متعلق بعض دستاویزات جاری نہیں کی گئیں۔
محکمہ انصاف کے مطابق جنوبی کیرولائنا کی ایک خاتون کے الزامات سے متعلق ایف بی آئی کے تین انٹرویوز کے نوٹس منظرعام پر نہیں لائے گئے۔
خاتون نے دعویٰ کیا ہے کہ بدنام زمانہ مالیاتی شخصیت Jeffrey Epstein نے انہیں زیادتی کا نشانہ بنایا اور انہوں نے ڈونلڈ ٹرمپ پر بھی جنسی زیادتی کا الزام عائد کیا ہے۔
رپورٹ کے مطابق صرف 24 جولائی 2019 کا ایک خلاصہ جاری کیا گیا ہے، جس میں ٹرمپ کا کوئی ذکر موجود نہیں۔
محکمہ انصاف کا کہنا ہے کہ باقی فائلیں نقل (ری ڈیکٹڈ مواد)، قانونی تحفظات یا جاری وفاقی تحقیقات کی وجہ سے عام نہیں کی گئیں۔
یہ بھی پڑھئِے
