گجرات میں ایک سرکاری کالج کی عمارت پر پاکستان کے جھنڈے کے ساتھ وزیرِ اعلیٰ پنجاب مریم نواز کی تصویر والا پرچم بھی لہرا دیا گیا پاکستان میں یہ اپنی نو عیت کا منفرد واقعہ ہے کہ کسی سیاسی رہنما کی تصویر والے پرچم کو سرکاری عمارت کی زینت بنا یا گیا ہو اس اقدام پر کالج کے پرنسپل کو وارننگ جاری کرتے ہوئے آئندہ محتاط رہنے کی ہدایت کی گئی ہے۔
ڈپٹی ڈائریکٹر کالجز گجرات شعیب بٹ نے غِر ملکی میڈیا کو بتایا کہ کالج پرنسپل نے اپنے جواب میں کہا ہے کہ وہ پنجاب میں مریم نواز شریف کے اقدامات سے بہت متاثر ہیں اور اسی لیے کالج کی عمارت پر مریم نواز کی تصویر والا جھنڈا نصب کیا گیا تھا۔کالج کے پرنسپل نے کہا ہے کہ یہ جھنڈا نصب کرنا ان کا ذاتی حیثیت میں لیا گیا فیصلہ تھا۔
یہ بھی پڑھیں
پنجاب حکومت نے شہریوں کی شکایات کے ازالے کے لیے وٹس اپ نمبر لانچ کر دیا۔ – urdureport.com
پنجاب اٹک سے پلیسر گولڈ سے آمدن کا فیصلہ – urdureport.com
واضح رہے کہ پنجاب میں حکمراں جماعت پاکستان مسلم لیگ نواز کو مریم نواز کی تشہیری مہم چلانے پر تنقید کا سامنا رہتا ہے اور اا ن کے ایسے اقدامات سے مسلم لیگ تنقید کی زد میں رہتی ہے۔
اسی نوعیت کا واقعہ گذشتہ دنوں ضلع گجرات کی تحصیل کھاریاں میں پیش آیا۔ سوشل میڈیا پر وائرل ہونے والی ویڈیوز میں دیکھا جا سکتا ہے کہ گورنمنٹ گریجویٹ کالج فار بوائز کی چھت پر پاکستان کے قومی پرچم کے ساتھ مریم نواز کی تصویر والا جھنڈا لہرا رہا ہے۔
