امریکی صدر ڈونلڈ ٹرمپ نے وائٹ ہاؤس میں گفتگو کے دوران نوبل امن انعام نہ ملنے پر افسوس کا اظہار کیا ہے ا ور ساتھ ہی کہا کہ لیکن خوش ہوں کہ میں نے لاکھوں زندگیاں بچائیں اور میں نے پاک بھارت سمیت سات جنگیں رکوائیں ہیں۔
امریکی صدر کا کہنا تھا کہ میں نوبل امن انعام دینے کے فیصلے کا احترام کرتا ہوں، نوبل امن انعام جیتنے والی ماریا کورینا ماچاڈو نے مجھے فون کیا، ماریا نے کہا میں یہ انعام آپ کے اعزاز میں قبول کررہی ہوں۔ماریا نے کہا نوبل امن انعام کے اصل حقدار آپ ہیں، میں نے یہ نہیں کہا کہ پھر انعام مجھے دے دو، لیکن شاید وہ دینا چاہتی تھیں۔
واضح رہے کہ وینزویلا میں جمہوریت کیلیے جدوجہد کرنے پر ماریہ کورینا نامی سیاستدان کو نوبل امن انعام دینے کا اعلان کیا گیا۔نوبل انعام دینے والی کمیٹی کی جانب سے نوبل انعام کیلیے 338 نامزدگیوں پر غور کیا گیا جن میں صدر ٹرمپ بھی شامل تھے تاہم وہ محروم رہے۔
یہ بھی پڑھیں
نوبیل انعام کا آغاز کیوں ہوا جس کی خواہش طاقتور امریکی صدر بھی رکھتے ہیں۔ – urdureport.com
صدر ڈونلڈ ٹرمپ کا کہنا تھا پاک بھارت جنگ میں 7 طیارے گرائے گئے، پاکستان اور بھارت کو کہا اگر جنگ کی تو بھاری ٹیرف عائد کریں گے۔
