پاکستان تحریک انصاف کے بانی چیر مین عمران خان کے صاحبزادے قاسم خان بھی اپنے والد کی قید تنہائی کے بارئے میں تشویش میں مبتلا ہو گئے اور عالمی برادری سے اپیل کر دی۔
قاسم خان نے سوشل میڈیا اکاونٹ ایکس پر اپنے پیغام میں کہا کہ میرے والد کو گرفتار ہوئے 845 دن ہو چکے ہیں۔ پچھلے چھ ہفتوں سے انہیں مکمل بے خبری کے ماحول میں ڈیتھ سیل میں تنہا رکھا گیا ہے۔ ان کی بہنوں کو ہر ملاقات سے روک دیا گیا ہے حالانکہ عدالت کے واضح احکامات موجود ہیں۔
انہوں نے مزید کہا کہ کوئی فون کال نہیں، کوئی ملاقات نہیں اور زندگی کی کوئی خبر نہیں۔ میں اور میرا بھائی اپنے والد سے کسی قسم کا رابطہ نہیں کر سکے۔ یہ مکمل اندھیرا کسی حفاظتی پروٹوکول کا حصہ نہیں۔ یہ ایک جان بوجھ کر کی گئی کوشش ہے تاکہ ان کی حالت کو چھپایا جائے اور ہمارے خاندان کو یہ نہ معلوم ہو سکے کہ وہ محفوظ ہیں یا نہیں۔
یہ بھی پرھئیے
عمران خان سے ملاقات نہ کرانے پر سہیل آفریدی کا اڈیالہ جیل کے باہر دھرنا – urdureport.com
عمران خان کی جیل منتقلی اور موت کی سوشل میڈیا پر متضاد اطلاعات،اصل حقیقت کیا نکلی – urdureport.com
قاسم خان نے لکھا کہواضح رہے کہ پاکستانی حکومت اور اس کے آقاؤں کو میرے والد کی حفاظت اور اس غیر انسانی تنہائی کے ہر نتیجے کی قانونی، اخلاقی اور بین الاقوامی سطح پر مکمل ذمہ داری اٹھانا ہوگی۔ میں عالمی برادری، بین الاقوامی انسانی حقوق کی تنظیموں اور ہر جمہوری آواز سے اپیل کرتا ہوں کہ فوری مداخلت کریں۔
انہوں نے کہا کہ زندگی کی تصدیق کا مطالبہ کریں، عدالت کے احکامات کے مطابق رسائی یقینی بنائیں، اس غیر انسانی تنہائی کو ختم کریں اور پاکستان کے سب سے مقبول سیاسی رہنما کی رہائی کا مطالبہ کریں جنہیں صرف سیاسی وجوہات کی بنا پر قید رکھا گیا ہے۔
