چیئرمین پاکستان کرکٹ بورڈ (پی سی بی) محسن نقوی نے کہا ہے کہ 26 مارچ کے بجائے پی ایس ایل 23 مارچ سے شروع کرنا چاہتے ہیں، تمام فرنچائز کی مشاورت سے 23 مارچ کو پی ایس ایل شروع کرنے کا فیصلہ کریں گے۔پاکستان سپر لیگ (پی ایس ایل) کےلیے وسیم اکرم کو برانڈ ایمبیسیڈر مقرر کیا ہے۔
انہوں نے کہا کہ کرکٹ اکیڈمی کو ریجن کی بہترین اکیڈمی بنانے کا ہدف ہے، پی ایس ایل ختم ہونے کے بعد ملتان سلطان کی نیلامی کریں گے۔
چیئرمین پی سی بی نے مزید کہا کہ پی ایس ایل کی 2 نئی ٹیموں کےلیے 10 پارٹیوں نے کوالیفائی کیا، ملتان سلطانز کو اس سال پی سی بی خود آپریٹ کرے گا۔
یہ بھی پڑھئیے
پی ایس ایل کے 11ویں ایڈیشن کے لیے غیر ملکی کھلاڑیوں کی رجسٹریشن کا آغاز – urdureport.com
اُن کا کہنا تھا کہ پی ایس ایل ٹیموں کی بڈنگ 8 جنوری کو اسلام آباد میں ہوگی، نیوز چینل کو اسپورٹس ایونٹ کی کوریج کے لیے وزیر اطلاعات سے درخواست کروں گا۔
محسن نقوی نے یہ بھی کہا کہ پاکستان شاہینز کو بھی ہم بہت مضبوط بنانا چاہتے ہیں،8 جنوری ہمارے لیےاہم دن ہے، ہماری ٹیمیں اچھی فروخت ہوں گی۔
