بٹ کوائن ایک ڈیجیٹل کرنسی ہے جو کہ تاریخ کی بلند ترین سطح پر پہنچ گئی۔
کرپٹو کرنسی ایکسچینج پر اتوار کو بٹ کوئن کی قیمت اپنی تاریخ کی بلند ترین سطح پر ریکارڈ کی گئی اور بٹ کوئن ایک لاکھ 25 ہزار 245 ڈالر میں ٹریڈ ہوا ، اس سے پہلے رواں سال 14جولائی کو بٹ کوئن بلند ترین سطح ایک لاکھ 22 ہزار 445 ڈالر میں ٹریڈ ہوا۔
بٹ کوائن کونسا کرنسی نظام ہے؟
حالیہ برسوں میں بٹ کوئن کی مقبولیت میں زبردست اضافہ ہوا ہے تاہم مارکیٹ میں بٹ کوئن کی تعداد محدود ہے اور زیادہ تر بٹ کوئنز پہلے ہی "مائن” کئے جا چکے ہیں۔بٹ کوئن کو 2009 میں متعارف کروایا گیا اور اس وقت اس کی قیمت 0.09 ڈالر تھی۔بٹ کوئن ایک ڈی سنٹرلائزڈ کرپٹو کرنسی نظام ہے جو بلاک چین ٹیکنالوجی پر مبنی ہے اور اسے نظام میں شامل کوئی بھی صارف مائن کر سکتا ہے۔
رپورٹ کے مطابق 2011 میں اس کی قیمت 26.90 ڈالر تک پہنچ گئی اور 2014 کے آغاز میں اس کی قیمت 1238 ڈالر ، 2014 کے اختتام تک یہ 315.21 ڈالر تک گر گئی، 18-2017 کے دوران دسمبر 2018 میں یہ 20 ہزار ڈالر تک پہنچ گئی۔ دسمبر 2019 میں گراوٹ کا شکار ہوئی اور 6635 ڈالر تک گر گئی تاہم دسمبر 2021 میں بٹ کوئن پہلی بار 49 ہزار کی حد سے تجاوز کر گیا، دسمبر 2022 میں اس کی قیمت کم ہو کر 18 ہزار اور نومبر 2024 میں 77 ہزار ڈالر تک پہنچ گئِ۔
