امریکی صدر ڈونلڈ ٹرمپ Donald Trump نے دعویٰ کیا ہے کہ ایران میںی تباہ ہونے والے امریکی طیارے کے لاپتا عملے کے ایک رکن کو کامیاب ریسکیو آپریشن کے بعد بازیاب کرا لیا گیا
ہے۔ سوشل میڈیا پلیٹ فارم Truth Social پر جاری بیان میں ڈونلڈ ٹرمپ نے بتایا کہ یہ ’قابلِ احترام کرنل‘ زخمی ضرور ہیں، تاہم ان کی حالت خطرے سے باہر ہے اور جلد صحت یاب ہو جائیں گے۔
بیان کے مطابق اس ریسکیو مشن میں درجنوں امریکی طیاروں نے حصہ لیا۔ اس دوران امریکی اور ایرانی افواج کا آمنا سامنا بھی ہوا، جس سے صورتحال مزید کشیدہ ہوگئی۔
امریکی حکام کے مطابق یہ آپریشن نہایت حساس اور خطرناک حالات میں مکمل کیا گیا۔
دوسری جانب ایرانی میڈیا کا کہنا ہے کہ جس مقام سے امریکی کریو ممبر کو نکالا گیا، وہاں امریکی بمباری کے نتیجے میں کم از کم چار افراد ہلاک ہوئے۔ رپورٹ کے مطابق ریسکیو کیا جانے والا اہلکار ایک اسلحہ جاتی نظام کا افسر تھا اور وہ F-15 Eagle طیارے میں سوار تھا جسے جنوبی ایران میں مار گرایا گیا تھا۔
امریکی اور ایرانی حکام کے درمیان اس لاپتا اہلکار کی تلاش کے لیے دوڑ جاری رہی، جبکہ ایرانی حکومت نے اس کی معلومات فراہم کرنے پر 66 ہزار ڈالر انعام کا اعلان بھی کیا تھا۔
ادھر Islamic Revolutionary Guard Corps نے دعویٰ کیا ہے کہ اصفہان میں ایک امریکی ڈرون طیارہ بھی مار گرایا گیا ہے، جس سے کشیدگی میں مزید اضافہ ہو گیا ہے
