میکسیکو کی صدر کلاڈیا شینبام کے ساتھ ہراسای کا واقعہ پیش آیا جب ایک شخص نے زبردست ان کا گردن پر بو سہ لینے کی کو شش کی،میکسیکو کی صدر نے کہا ہے کہ وہ اس شخص کے خلاف کیس دائر کریں گی جس نے سرعام انھیں ہراساں کیا۔
اس واقعے کی موبائل فون سے بنائی گئی ایک فوٹیج میں یہ ظاہر ہو رہا ہے کہ ایک روز قبل کلاڈیا میکسیکو سٹی میں نیشنل پیلس کے قریب ایک گلی میں اپنے حمایتیوں سے محو گفتگو تھی کہ اسی اثنا میں ایک شخص پیچھے سے آتا ہے اور ان کی گردن پر بوسہ دینے کی کوشش کرتا ہے جبکہ اپنے ہاتھ کلاڈیا کے جسم پر رکھتا ہے۔
کلاڈیا جلدی سے پیچھے ہٹتی ہیں اور بظاہر انھیں دیکھ کر لگتا ہے کہ وہ ہل کر رہ گئی ہیں۔اس شخص کو گرفتار کر لیا گیا ہے جس نے صدر کے گردن پر زبردستہ بوسہ دینے کی کو شش کی۔
صدر کلاڈیا نے کہا کہ انھوں نے ملزم کے خلاف کیس کے لیے آگے بڑھنے کا فیصلہ کیا کیونکہ اس نے مبینہ طور پر رش میں موجود دیگر خواتین کو بھی ہراساں کیا تھا۔
یہ بھی پڑھیں
نومبر میں روشن اور قریب ترین سپر مون کا نظارہ دیکھنے کو ملے گا – urdureport.com
ایک نیوز کانفرنس کے دوران صدر کلاڈیا نے کہا کہ ’میرے خیال میں اگر میں شکایت درج نہیں کرواتی تو میکسیکو کی دوسری خواتین کے ساتھ کیا ہو گا۔ اگر ایسا صدر کے ساتھ ہو سکتا ہے تو ملک کی باقی خواتین کے ساتھ کیا ہو گا۔‘’میں نے کیس دائر کرنے کا فیصلہ کیا کیونکہ بطور خاتون مجھے اس کا تجربہ ہوا۔ میرے ساتھ پہلے بھی یہ ہو چکا لیکن تب میں صدر نہیں بلکہ سٹوڈنٹ تھی۔‘
