جینیاتی عوامل کی تحقیق میں ایک انکشاف ہوا ہے کہ خواتین میں ڈپریشن کا خطرہ مردوں کے مقابلے میں دُگنا ہوتا ہے۔ اس حوالے سےنیچر کمیونیکیشنز نامی جریدے نے ایک تحقیق کی ہے جس میں بتایا گیا ہے کہ 1 لاکھ 30 ہزار خواتین اور 65 ہزار مردوں کے جینیاتی ڈیٹا کا تجزیہ کیا گیا اور یہ سامنے آیا کہ مردوں میں خواتین کے مقابلے میں ڈپریشن کا خطرہ زیادہ ہے۔
اس نئی تحقیق سے اس بات کی وجہ جا ننے کی کو شش کی گئی تو معلوم ہوا کہ خواتین میں ڈپریشن کی وجہ صرف نفسیاتی یا سماجی نہیں ہوتی بلکہ جینیاتی فرق بھی اہم کردار ادا کرتا ہے۔تحقیق کے مطابق خواتین میں ڈپریشن کی بڑی وجہ میٹابولک علامات ہیں، جن میں وزن کا اتار چڑھاؤ اور توانائی کی کمی شامل ہیں۔
خواتین میں 6 ہزار 133 منفرد جینیاتی تغیرات موجود تھے جو مردوں میں نہیں تھے جبکہ دونوں 7 ہزار 117 جینیاتی تغیرات مشترک پائے گئے۔تحقیقاتی ٹیم نے واضح کیا کہ ڈی این اے تبدیلیاں وہ جینیاتی فرق ہیں، جن کے ساتھ لوگ پیدا ہوتے ہیں، ان کا زندگی کے تجربات سے کوئی تعلق نہیں۔
یہ بھی پڑھیں
21 دن میں7کلو وزن کم کرنے کا فارمولا جو وائرل ہو رہا ہے۔ – urdureport.com
ہر شخص میں ڈپریشن مختلف انداز سے ظاہر ہوتا ہے اور اس بارے تحقیق کے لیے آسٹریلیا، نیدرلینڈز، برطانیہ اور امریکا کی خواتین اور مردوں کے جینیاتی ڈیٹا کا تجزیہ کیا ہے۔
