قومی اسمبلی و سینیٹ میں نامزد اپوزیشن لیڈر و تحریک تحفظ آئین پاکستان کے سربراہ محمود خان اچکزئی اور وائس چیئرمین علامہ ناصر عباس نے 27ویں آئینی ترمیم کے خلاف ملک گیر احتجاجی تحریک کا اعلان کر دیا۔
پشتونخوا ملی عوامی پارٹی کے چیئرمین محمود خان اچکزئی اور مجلس وحدت المسلمین کے چیئرمین سینیٹر علامہ راجا ناصر عباس نے ایک ویڈیو بیان میں کہا کہ احتجاجی تحریک 9 نومبر (اتوار) سے شروع ہوگی۔
راجا علامہ عباس نے مجوزہ تبدیلیوں پر افسوس کا اظہار کرتے ہوئے کہا کہ حکومت کو مزید طاقت ’بااختیاروں کے ہاتھوں‘ دے دی گئی ہے۔انہوں نے کہا کہ اس گھڑی میں پاکستان کے عوام کی ذمہ داری ہے کہ وہ اٹھ کھڑے ہوں اور اس خطرناک آئینی ترمیم کے خلاف آواز بلند کریں۔
یہ بھی پڑھیں
27 ویں آئینی ترمیم ،آئینی عدالت،چیف آف ڈیفنس کا عہدہ قائم – urdureport.com
اپوزیشن کے نامزد رہنما محمود اچکزئی نے کہا کہ اتحاد احتجاجی تحریک کے ذریعے یہ دکھائے گا کہ پاکستان کے عوام کی مرضی ہی آخری فیصلہ ہوگی۔
انہوں نے مزید کہا کہ چونکہ پارلیمنٹ عوام کی نمائندہ ہے، اس لیے اپوزیشن اتحاد براہِ راست عوام سے رجوع کر رہا ہے۔
