برطانوی میڈیا رپورٹس کے مطابق پاکستان کے سابق وزیراعظم عمران خان Imran Khan کی سابق اہلیہ اور معروف اسکرین رائٹر و پروڈیوسر جمائما گولڈ سمتھ Jemima Goldsmith مبینہ طور پر دوبارہ شادی کرنے جا رہی ہیں۔ رپورٹس میں دعویٰ کیا گیا ہے کہ ان کی منگنی آئرش نژاد کاروباری شخصیت Cameron O’Reilly سے ہو چکی ہے۔
اطلاعات کے مطابق جمائما اور کیمرون گزشتہ ایک سال سے ایک دوسرے کے ساتھ تعلق میں ہیں۔ کیمرون او ریلی معروف بزنس مین اور سرمایہ کار ہیں جبکہ وہ مرحوم رگبی لیجنڈ Anthony O’Reilly کے صاحبزادے ہیں۔
رپورٹس میں بتایا گیا ہے کہ دونوں اس وقت سوئٹزرلینڈ اور لندن کے درمیان وقت گزار رہے ہیں۔ کہا جا رہا ہے کہ ان کی پہلی ملاقات ایک دستاویزی فلم کے سلسلے میں ہوئی تھی، جہاں ابتدا میں ان کے درمیان دوستی قائم ہوئی جو بعد میں قریبی تعلق میں بدل گئی۔
ذرائع کے مطابق جمائما کے اہل خانہ بھی اس رشتے سے خوش ہیں، جبکہ ان کے بھائی Robin Birley بھی کیمرون او ریلی سے ملاقات کر چکے ہیں۔
یاد رہے کہ جمائما گولڈ اسمتھ اور عمران خان کی شادی 1995 میں ہوئی تھی، تاہم 2004 میں دونوں نے علیحدگی اختیار کر لی تھی۔ ان کے دو بیٹے، قاسم اور سلیمان، ہیں۔
یہ بھی پڑھئِے
