عالمی شہرت یافتہ کولمبین پاپ اسٹار شکیرا Shakira نے فٹبال ورلڈ کپ 2026 کے لیے اپنے نئے آفیشل گانے کی پہلی جھلک شیئر کر دی، جس نے سوشل میڈیا پر مداحوں میں جوش و خروش کی نئی لہر دوڑا دی ہے۔
49 سالہ گلوکارہ نے اپنے نئے ٹریک ’ڈائی ڈائی‘ کا مختصر پرومو جاری کیا ہے، جو امریکا، میکسیکو اور کینیڈا میں ہونے والے فیفا ورلڈ کپ 2026 world cup 2026کا آفیشل ترانہ قرار دیا جا رہا ہے۔ گانے کی مکمل ریلیز 14 مئی کو متوقع ہے۔
شکیرا نے یہ خصوصی جھلک برازیل کے معروف ماراکانا اسٹیڈیم سے ریکارڈ کی گئی ایک ویڈیو کے ذریعے شیئر کی، جس میں گانے کے چند مناظر اور دھن سنائی گئی۔ اس میوزیکل پروجیکٹ میں نائجیریا کے مشہور گلوکار برنا بوائے بھی ان کے ساتھ شامل ہیں، جس سے شائقین کی توقعات مزید بڑھ گئی ہیں۔
Shakera FIFA world cup 2026 song pic.twitter.com/5ZwoZwUvYz
— Urdu Report (@UrduReportpk) May 8, 2026
شکیرا کے ورلڈ کپ گانے
یہ پہلا موقع نہیں کہ شکیرا ورلڈ کپ کے ترانے سے جڑی ہوں۔ اس سے قبل انہوں نے 2010 کے فیفا ورلڈ کپ کے لیے اپنا شہرہ آفاق گانا ’واکا واکا‘ پیش کیا تھا، جو عالمی سطح پر بے حد مقبول ہوا اور آج بھی ورلڈ کپ کی شناخت سمجھا جاتا ہے۔
یہ بھی پڑھئِے
گکوکارہ شکھیرا کے کنسرٹ میں ریکارڈ توڑ رش بیس لاکھ مداح پہنچ گئے – urdureport.com
لیجنڈ اداکارہ عرفان خان کی موت کے چھ سال بعد ان کی فلم ریلیز شائقین حیران – urdureport.com
اس کے علاوہ 2014 کے ورلڈ کپ میں ان کا گانا ’لا لا لا‘ بھی شائقین میں خوب مقبول ہوا، جبکہ وہ مختلف ورلڈ کپ تقریبات میں اپنی پرفارمنس کے ذریعے فٹبال اور موسیقی کے حسین امتزاج کی علامت بن چکی ہیں۔
واضح رہے کہ فیفا ورلڈ کپ 2026 پہلی بار 48 ٹیموں کے ساتھ کھیلا جائے گا۔ یہ میگا ایونٹ 11 جون سے 19 جولائی 2026 تک امریکا، میکسیکو اور کینیڈا میں منعقد ہوگا، جس میں کولمبیا کی ٹیم بھی شرکت کرے گی۔
