اردو رپورٹ ڈیسک
بالی ووڈ اداکار گووندا اور ان کی اہلیہ سنیتا آہوجا کے درمیان جاری لفظی نوک جھونک ایک بار پھر خبروں کی زینت بن گئی ہے۔ سنیتا آہوجا نے شوہر کی مبینہ گرل فرینڈ اور اداکارہ کومل رانی سوارنکر کو اپنے ایک تازہ بیان میں تنقید کا نشانہ بنایا ہے۔
بھارتی میڈیا کے مطابق سنیتا آہوجا نے گووندا اور کومل رانی کی حالیہ ملاقاتوں پر ناراضی کا اظہار کرتے ہوئے کہا کہ گووندا کو اپنی بیٹی کی عمر کی لڑکی کے ساتھ اس طرح گھومتے ہوئے کچھ تو شرم محسوس کرنی چاہیے۔
سنیتا نے کومل رانی کے لباس پر بھی طنزیہ انداز اپنایا۔ ان کا کہنا تھا کہ تمھارا’شوگر ڈیڈی‘ اتنا ہی دولت مند ہے تو پھر لباس بھی مناسب اور اچھا ہونا چاہیے۔ انہوں نے مزید کہا کہ گووندا کا دماغ خراب ہو چکا ہے۔
گووندا اور کومل رانی
گووندا اور کومل رانی ان دنوں اپنی آنے والی فلم ’روپا‘ کی تشہیری سرگرمیوں کے باعث بھی خبروں میں ہیں۔ دونوں کو حال ہی میں ممبئی ایئرپورٹ پر ایک ساتھ دیکھا گیا، جس کے بعد اداکار کے ساتھ کومل رانی کے مبینہ تعلقات سے متعلق پرانی قیاس آرائیاں ایک مرتبہ پھر سوشل میڈیا اور بھارتی میڈیا میں گردش کرنے لگیں۔
صحافیوں سے گفتگو کے دوران سنیتا آہوجا نے فلم کی تشہیری مہم پر بھی سوال اٹھایا۔ ان کا کہنا تھا کہ عام طور پر فلم مکمل ہونے کے بعد اس کی پروموشن شروع کی جاتی ہے، تاہم یہاں فلم مکمل ہونے سے پہلے ہی تشہیر کا سلسلہ شروع کردیا گیا ہے۔
Sunita Ahuja Comments On Govinda And Komal Rani Swarnkar 😯#SunitaAhuja #Govinda #KomalRani pic.twitter.com/1EUODrFAe1
— Bol Bollywood (@TheBolBollywood) August 15, 2026
سنیتا آہوجا کے سخت بیانات
یہ پہلا موقع نہیں جب سنیتا آہوجا نے کومل رانی کے حوالے سے سخت بیان دیا ہو۔ اس سے قبل بھی وہ اداکارہ پر گووندا کے ساتھ مبینہ تعلقات کے الزامات عائد کرچکی ہیں اور یہاں تک کہہ چکی ہیں کہ کومل ایک ’شوگر ڈیڈی‘ کی تلاش میں ہیں۔
سنیتا نے ماضی میں یہ دعویٰ بھی کیا تھا کہ کومل مبینہ طور پر گووندا کو بلیک میل کررہی ہیں، جبکہ انہوں نے کومل کے نام کا ذکر کرتے ہوئے اپنی ناپسندیدگی کا اظہار بھی کیا تھا۔
مذید پڑھئِں
سنیتا آہوجا نے گوندا کی معافی کے بدلے بڑی شرط رکھ دی – urdureport.com
عمر نہیں، اداکاری کا کمال؛ سینئر اداکارائیں پاکستانی ڈراموں میں چھا گئیں – urdureport.com
گووندا کومل رانی کی تعریف
دوسری جانب گووندا نے اپنی اہلیہ کے بیانات کے برعکس کومل رانی کے رویے کی تعریف کی ہے۔ اداکار کا کہنا تھا کہ کومل نے عوامی سطح پر سنیتا کے الزامات کا جواب نہ دے کر انہیں مزید مشکلات سے بچایا۔
گووندا اور سنیتا آہوجا کے درمیان ان بیانات کے بعد ایک بار پھر اختلافات کی خبریں بھارتی شوبز حلقوں میں زیرِ بحث ہیں، تاہم کومل رانی اور گووندا کے مبینہ تعلقات کے حوالے سے کسی جانب سے کوئی باضابطہ تصدیق سامنے نہیں آئی۔
